هەر یٔێكسەر پشتی وەغەكرنا بابێ رۆحیێ یٔێزدیان (بابا شێخ) چەندین كەسایەتیان برۆسكێن هەڤخەمیێ یٔاڕاستەكرن، و ژوانان سەركردەیەكێ بەرنیاسێ ڕەوتێ یٔیسلامخوازی بوو، هەتا ڤێڕێ چ تشتێ نە یٔاسایی چێنە بوویە، لێ یٔەڤأن هەلویستێن هەڤخەمیێ كارڤەدانەكا یٔێكجار تۆند و خراب ب دویڤ خوەڕا یٔانی، خوەدیێن وان كەفتن بەر پێلەكا توند و دژوار ژ جڤێن و قەسێن كرێت و سڤكاتیێ كو هەمی سنۆرێن تۆڕە و یٔەدەبێ هاتنە بەزاندن، هەرل گەل وێ سڤكاتیێ ژی چەندەكێ زمانێ توندڕەوێ دژی پێكەڤەژیانا یٔاینی ژی هاتە درێژكرن.
لێ كارێ باشێ یێ هاتیە دیتن یٔەوبوو كو چەندین خامەیان ب گۆتار و پۆستان بەڕەڤانی ژ پێكڤەژیانا كوردستانێ كرن، یٔەو هەوا توندا ڕەتكرنا یێ بەرامبەر رسواكرن، لێ تشتێ سەرنجا من كێشای یٔەوبوو دیسان هەر یٔاوازا (كەڤن و نوییا) مە كوردان هاتە لێدان، ژمارەكا زۆرا ڕەوشەنبیر و چالاكڤانان هاتنە زمان و خوەیاكرن یٔەڤ تۆندڕەویە بەرۆڤاژی دیرۆك و نەریت و سرۆشتێ كومەڵێ كوردیە، وەسا دیاركرن هەر وەكی یٔەم جڤاكێ مە د كەڤندا جڤاكەكێ سومبلیزمێ پاكبوو، یێ نموونەبوو د قەبوولكرنا هەڤدوودا سەرەڕای جوداهیا یٔاینی و یٔیمانی!
گومان نینە یٔەڤ وێنە زۆر ڕەند و گەش و دەلالە لێ كێشەیا وێ یا تاك و تەنیا یٔەوە نێزیكی نێگاركێشانەكا تۆباوی و یٔاشۆپییە ب بیاڤەكێ مەزن ژ ڕاستیێ دویرە، باوەرناكم تشتێ ژ ڕاستیا خوە دویر خزمەتەكێ بكتن؛ چونكی یٔەوا نە ڕاست خاپاندن پێ دهێتە كرن، و ل ڤێرێ یا دیارە خوەخاپاندنە، نزانم چەوان یٔەم خوە د سەر چەندین بەش و بەرپەڕێن ڕەش و خویناوی ژ دیرۆكا خوەیا كوردیرا دهاڤێژن، ژ دەهان شەر و فەرمانان چاڤێن خوە دگرن، ژبلی كەلتۆرێ مللی ژی كو ڕاستە تشتێ شەوقەدار تێدا هەیە لێ براستی ژی نەیێ ڤالایە دیمەنێن ڕەشێن ڕەفزكرنا (یێ دیتر)، گەلۆ بەر یٔاقلە یٔەڤێ هەمیێ ژبیرا خوە ببین، و ڕابین ب سادەترین ڕەنگ دیاردەیەكا بەربەڵاڤ شرۆڤە بكین، یٔەگەرا ڤەدگەڕینین پاشماوێن هزرا تۆندڕەوا داعش وەكی چەند نڤێسەران گۆتین!
كا چەوان بێ فامیەكا مەزنە یٔەم د دیرۆكێدا بژین و گیانێ خوەجەلدان یانژی یێ تۆلڤەكرن وكەرب و كینێ ساخ بكین، هەر وەسان كوپیتكا نەزانینێیە یٔەم ڕابین بەرۆڤاژی ڕاستیان هندەك چیرۆكێن پاكژی و پاكیێ ب دیرۆكا خوەڤە بهەلاویسین.
یا دروست یٔەوە یٔەم ڕێكا ڕاستڤەكرنێ ب دینە بەر، د ڕێكا پێداچوون و ل خوەزڤڕینێدا یٔەم بچین، یٔەم واتە: جڤاكێ كوردی ب هەمی پێكهاتەیێن خوەیێن یٔاینی و نە یٔاینیڤە، بلا بووریێ مە كوردان چەند ڕاستیێن تەحل ژی تێدا هەبن، بلا چەند یا پربت ژمەرگەساتێن یٔەگەرێن وان خۆیەتی، یا ژمنڤە یٔەم ل گەل خوە ڕستڤەكرنێ یٔەم دكارین كەتوارێ خوەیێ یٔەڤرۆ دویربێخێن ژ تەنگژین و دەمارگێڕیێ، لێ گومان نینە یٔەڤ تشتە ب پەسنا مێژوویێ - ڤێجا نەمازە یٔێكجار یٔەگەر نەیا ڕاست بت - چێنابت!
ب دیتنا من بەسسە دەمێ یێ هاتی و چەندەك ژی یێ ب سەرڤچووی یٔەم پێداچوونەكا ڕەخنە ل خوەگرتنێ بكین، دا خەلەتی دووبارە نە بنە ڤە، ل ڤێرێ من دیت فەرە ڕەخنەكا یٔاڤەكر یا نڤێسەر و ڕەوشەنبیرێ مەزنێ تۆرك (عەزیز نەسین)ی ژبۆ خوەندەڤانان ڤەگێڕم پێخەمەت مفاوەرگرتنێ و ڕەتكرنا خاپاندنێ وەكی نڤێسەری ناڤهاتی بەرسڤا تورانیێن نژارپەرست دای و گۆتیە وان: دڤێت یٔەم دانپێدانێ بكین كو یٔەم تورك مللەتەكێ زڕچەپۆزین (یٔەحمەقین)، دڤێت ڕاستیێ بێژین دا ل یٔەم خوە بزڤڕین، هوسان دڤێت ڕەوشەنبیر و نڤێسەرێن مە كوردان ژی ڕاوەست ژ كارێ خوەخاپاندن و خەلك خاپاندنێ، فەرە یٔەم ڕاوەستین ژ هەوڵێن فاشلێن خاپاندنا (یێ دیترێ) یٔاین جودا، یٔێدێ بەس بەحسێ دیرۆكەكێ بكین هەر وەكی هەمی پێكڤەژیان و هەڤقەبوولكرن، بڕاستی ژی (یێ دیتر) مە دبینت یٔەم یێن وەكی نەعامێ سەرێ خوە دكینە د خیزیڕا و كەلواشێ مەیێ ژدەرڤە!
ل شوینا ڤێ نێرجسیێ و خوە فریشتەكرنا درەو دا پێكڤە یٔەم هەمی دەست ژ هزرێن خرابێن دژی دلۆڤانیا مرۆڤایەتیێ بەردین، و بزانین خودای یٔەم هەمیێن دایین و كرینە بەندەیێن خوە، پڕڕەنگی و پڕجۆریا یٔیسنی و یٔۆلی و یٔاینی یٔیڕادەیا وییە، و حەسێبا هەمیان هەر ل دەڤ وییە.