باژێڕێ مە ئێك ژ وان باژێران بوویە كو نموونەیا بەرزا پێگیریبوون ب ڕێنمایان دژی پەتایا كوڕونا توماركری، درەنگ گەهشتنا ڤایروسێ نافهاتی بو ناڤ باژێری و ژمارەكا كێمترا توشبوویان ب بەڕاوڕدی دگەڵ پاڕیزگەهێن دی بەڵگەیە لسەر یا هاتییە گوتن لسەری.
بەڵێ، ل ڤان ڕوژێن دوماهیێ ب پێشیلكڕنا ڕینمایان، ب مخابنی ڤە، ئەم یێن كڕین د قوناغەكا ئێكجاز زەحمەت دا، ب وی رادەی كو ئیدی ژماڕا تووشبوویان ژ شیانێن ڤەحەواندنێ ل نەخووشخانا تێپەڕاندییە و ئەڤە ژی دەڕگەهێن كاڕەساتا لبەڕ مە ڤەدكەن.
گەلەك ژ مە كێماسیێن حكومەتێ یان بێهن تەنگیێ د مال دا دكەنە بەهانە بو پێشیلكڕنا ڕینمایان و نەمانا د مال دا. لڤێڕە، وەك هاوڵاتیێ وەڵاتی ئەز خرابییا باڕێ ئابوری تێدگەم و داخازێ ژ حكومەتێ و حالخووش و سامانداڕێن وەڵاتی دكەم خو ل كەسێن هەژار بكەنە خودان، و وەك نوژدار ئەز ل بێهن تەنگی و نەخوشیا باڕێ دەڕوونێ ژ ئەگەڕێ مانا د مال دا تێدگەهم بەلێ لڤێڕە پیدڤییە تێبگەهین كو مانا مە د مالدا مە زیندان ناكەت د مالدا بەلكو مە دپارێزیت و تاكە ڕێكا پاڕاستنا مە و خێزانێن مەیە و ب مانا د ماڵدا ئەم منەتێ لكەسێ ناكەین بەلكو بتنێ خو سڵامەت ڕاگڕین.
ل دوماهیێ ژی دبێژم؛ بكاڕئینانا ماسكێ باشترە ژ بكارئینانا ئامیڕێ هەناسەدانێ، مانا تە د ماڵ دا باشتڕە ژ مانا تە ل نەخوشخانە وچاڤدێڕییا چر، دویر ئیخستنا ڤایروسی ب شیشتنا دەستان و بكارئینانا تافێلكەران باشتڕە ژ دویرئێخستن و ژ دەستدانا خوشتڤیان، دوعاكرن و بێهنفڕەهی باشتڕە ژ گلە و گازندەیان.
راگرێ كولیژا پزیشكی/ زاخۆ