ناوەندی شەقامەکانی کەرکوک بۆ سێهەمجار بە چیمەنی دەستکرد سەوز کرانەوە

  2020-09-24  | 
سەوزکردنەوەی ناوەڕاستی شەقامەکانی کەرکوک بە چیمەنی دەستکرد
فۆتۆ: سۆران عەبدولکەریم
دۆسیە:  کەرکوک
 سۆران عەبدولکەریم
بۆ سێ ساڵ لەسەر یەک پارێزگار کەرکوک دەستی کردەوە بە سەوزکردنەوەی ناوەڕاستی شەقامە سەرەکییەکانی شاری کەرکوک بە چیمەنی دەستکرد.

پارێزگاری کەرکوک لەبری چیمەن و داری سروشتی هەستاوە بەدانانی چیمەتی دەستکرد و دانانی فەردە خۆڵ لەسەریان بۆ ئەوەی لە کەشە نائاساییەکاندا بای نەیباد.

لە ماوەی دوو ساڵی ڕابردوودا لەسەر فەرمانی ڕاکان جبوری پارێزگاری کەرکوک دووجار شەقامەکانی کەرکوک  بەو جۆرە چیمەنە سەوز کراون و ئەمە سێهەمین جارە، بەڵام دوای ماوەیەک بەهۆی کاریگەریی کەشوهەواوە تێکچووە یان با بردوویەتی، چونکە نایلۆنە و لەڕێگەی سلیکۆنەوە بە زەوی قەراغی شۆستەکەوە جێگیر کراوە.

ئەو هەنگاوەی پارێزگاری کەرکوک لەشارەکە بووەتە جێگەی ناڕەزای هاوڵاتیان و دانیشتوانی شاری کەرکوک، کە بۆچی سەرەڕای بوونی پارە و بودجەیەکی زۆر لەبەردەستی پارێزگاردا ، بەڵام لە بری چیمەنی سروشتی و ڕواندنی درەخت، پەنا بۆ دانانی چیمەنی دەستکرد دەبات.