عێراق نرخی نەوتی فرۆشراوی کەرکوک و بەسرەی بڵاوکردەوە

  2020-09-30  | 
دۆسیە:  عێراق
 تۆڕی هەواڵی ژیان
وەزارەتی نەوتی عێراق ئەمڕۆ چوارشەممە، بڕی هەناردە و داهاتی نەوتی خاوی مانگی ئابی بڵاوکردەوە، کە دەردەکەوێت نرخی نەوتی کەرکوک گرانتر بووە لەچاو ناوچەکانی دیکەی عێراق.

وەزارەتی نەوت لە بەیاننامەیەکدا بڵاویکردەوە، لە مانگی ئابدا بڕی ٣ ملیۆن و ٥٧٨ هەزار بەرمیل نەوتی خاو هەناردەی دەرەوە کراوە، بەشێوەیەک ڕۆژی دوو ملیۆن و ٥٩٧ هەزار بەرمیل رەوانەی دەرەوە کراوە.

بەگوێرەی بەیاننامەکە نرخی نەوتی کێڵگە نەوتییەکانی کەرکوک، کە لەڕێگەی بەندەری جەیهانی تورکیاوە هەناردە کراوە، هەر بەرمیلێک بە بڕی ٤٤ دۆلار و ٤٨ سەنت فرۆشراوە، لەکاتێکدا هەر بەرمیلێک نەوتی خاوی بەسرە بە ٤٣ دۆلار و ٤٣ سەنت فرۆشراوە.

بڕی داهاتی نەوتی هەناردە کراو لە مانگی ئابدا، ٣ ملیار و ٤٩٢ ملیۆن و ١٦٤ دۆلار بووە.

وەزارەتی نەوتی عێراق ئاماژەی بەوەشکردووە، عێراق  لە مانگی ئابدا هیچ بڕە نەوتێکی هەناردەی وڵاتی ئوردن نەکردووە.