ئەنجومەنی وەزیرانی حكومەتی هەرێم ئەمڕۆ كۆبوونەوەی ئاسایی خۆی ئەنجام دەدات و تیایدا گفتوگۆ لەبارەی پرسی دانوستان لەگەڵ حكومەتی عێراق و پەیڕەوێك تایبەت بە ئیمتیازەكانی كەسوكاری شەهیدان دەكات.
بەپێی راگەیەندراوێكی فەرمانگەی میدیا و زانیاری، كۆبوونەوەكە بە سەرپەرشتیی مەسرور بارزانی، سەرۆكی حكومەت و ئامادەبوونی قوباد تاڵەبانی، جێگری سەرۆكی حكومەت دەبێت.
وابڕیارە لەو كۆبوونەوەیەدا داهات و خەرجییەكانی هەرێم و دوا پێشهاتەكانی رێرەوی دانوستان لەگەڵ حكومەتی فیدراڵ سەبارەت بە شایستە داراییەكانی هەرێمی كوردستان گفتوگۆ بكات.
هاوكات هەر لەو كۆبوونەوەیەدا پەیڕەوی (دیاریكردنی ماف و ئیمتیازەكانی كەسوكاری شەهیدان و ئەنفالكراوان) باسی لێوە دەكرێت.
هەرچەندە زیاتر لە 40 رۆژە موچەی فەرمانبەرانی هەرێم دابەشنەكراوە، بەڵام حكومەتی هەرێم لەو كۆبوونەوەیەدا پرسی موچەی وەك تەوەری گفتوگۆ دیاری نەكردووە.