بافڵ تاڵەبانی هاوسەرۆکی یەکێتیی نیشتیمانیی کوردستان رایگەیاند، سەرجەم ئەو کەسانە دەستگیردەکەن کە کاری مافیایی ئەنجامدەدەن.
لە دانیشتنێکی ڕۆژنامەوانیدا لەگەڵ نوێنەری ژمارەیەک لە کەناڵەکانی ڕاگەیاندن، بافڵ تاڵەبانی سەبارەت بە قاچاخچێتی سنوورەکان و هەڵکوتانە سەر بازرگانان، رایگەیاند، "کاری مافیایی لەهەموو کوردستاندا بوونی هەیە، بەڵام ئێمە بڕیارمانداوە هەموو مافیاکان دەستگیربکەین، تەنانەت هەرکەسێکیان لەپشت بێت ."
دەربارەی دەنگۆی پێدانی پۆستی پارێزگاری کەرکوک بە تورکمان و هەڵوێستی حزبەکەی، باڤڵ تاڵەبانی رایگەیاند، "ئەو بابەتە وەکو دەنگۆ بوونی هەیە، بەڵام ئەستەمە شتی وا ڕووبدات و قەبوڵی ناکەین ."
سەبارەت بە رووداوەکانی ئەم دواییەی هەرێمی کوردستان و گرژییەکانی نێوان پارتی و پەکەکەش، بافڵ تاڵەبانی هاوسەرۆکی یەکێتیی نیشتیمانیی کوردستان رایگەیاند، " ئێمە دژی هەڵگیرسانی شەڕی کورد بە کورد و بەدیاریکراوی پەکەکەین."