ناوبراو هەر لەو پەیامەیدا ئاماژەی بەوە كردووە هەندێكجار دەنگی نەشاز و ناكۆك لەئاستی مەترسیەكاندا دەبیسترێ و دەبینرێ، بەو ھیوایەی ئەم كەس و لایەنانە بەویژدانەوە ئاوڕ لەئامارەكانی مردن و توشبوون بدەنەوە و لەسۆنگەی ھەستكردن بەبەرپرسیارێتی ئەخلاقییەوە بەڕێنماییە تەندروستیەكان پابەندبن.
ئەو داواشیكردووە میدیاكان خۆیان بەدوور بگرن لە یاریكردن بەبەكارھێنانی گیان و تەندروستی ھاوڵاتیان لە ململانێی سیاسیەكان و بەرژەوەندییە شەخسیەكان.
ئەو هۆشداریشیداوە لەوەی ئەگەر میدیاكان پابەندی پرەنسیپەكان نەبن "ئەوە ناچاردەبین لەپێناو پاراستنی گیانی ھاوڵاتیانی ھەرێمی كوردستان، پەنا بۆ یاسا لەم بوارەدا ببەین".