نەتەنیاهۆ: ئیسرائیل و ئیمارات ڕێكەوتنێكیان ئیمزاكرد بۆ ڕوبەڕوبوونەوەی كۆرۆنا
بنیامین نەتەنیاهۆ سەرۆك وەزیرانی ئیسرائیل ئاشكرایكرد، وڵاتەكەی هاوبەشیەكی نوێی هەیە لەگەڵا ئیماراتی عەرەبیدا بۆ هاریكاری لە قەلاچۆكردنی فایرۆسی كۆرۆنادا .
نەتەنیاهۆ ئەو هەنگاوەی بە نوێترین هەوڵەكانی ئیسرائیل لە قەڵەمدا بۆ بنیاتنانی پەیوەندی بەهێزلەگەڵا وڵاتانی عەرەبیدا .
سەرۆك وەزیرانی ئیسرائیل ئاشكرایكرد، ئەگەری كاركردنی پێگەوەیی بۆ دژایەتیكردنی كۆرۆنا، دەكرێت لە بەرژەوەندی هەموو ناوچەكە بێت .
نەتەنیاهۆ وتی "ئەم هەنگاوانە هەی ئەوە دەرەخسێنێت كە دەرگای هاوكاریی ئەوتۆ بكرێتەوە كە پیِشتر تاقیمان نەكردووەتەوە لەگەڵ دەوڵەتانی دیاریكراودا "
ڕێككەوتن و هاوكارییەكەشی لەگەڵا ئیمارات بە "هەڵگەڕانەوەیەكی دیپلۆماتی" لەقەڵەمدا بۆ پەیوەندیەكانی هەردوو وڵات .
نەتەنیاهۆ جەختیشیكردەوە، لەڕێگەی ئەو هاوبەشی ڕێككەوتنەوە، لەمەودوا هەردوو وەزارەتی تەندروستی ئیمارات و ئیسرائیل دەتوانن پسپۆڕی و جێبەجێكردنی پرۆژەكانی یەكتر ئاڵۆگۆڕ بكەن لە بواری توێژینەوە تا دەگات بە پەتای كۆرۆنا .
لەگەڵا ئەو بایەخپێدانە گەورەیەی كە سەرۆك وەزیرانی ئیسرائیل باسی لێوەكرد، بەڵام ئیماراتی عەرەبی رایگەیاند، ڕێكەوتن و هاریكارییەكە دوو كۆمپانیای تایبەتی ئیماراتی لەگەڵ دوو كۆمپانیای ئیسرائیلی لە بواری تەكتەلۆژیانی قەلاچۆكردنی فایرۆسی كۆرۆنا ئیمزایانكردووە .
|