لەو راگەیەەندراوەدا ناوەندی كاری هاوبەشی رێكخراوەكانی گەرمیان باسیان لەوە كردووە كەرتی تەندروستی گەرمیان تەواو وێرانە و رەخنە لە كارەكانی بەڕێَوەبەری تەندروستی گرەمیان بەڕێَوەبەری نەخۆشخانەی قەڵا دەگرن لەكارەكانیان لە ماوەی رابردوودا.
ئەوان چەند داواكاریەكی بەپەلەیان خستووەتە روو كە تیادا داوا دەكەن هەرچی زووە بەڕێَوەبەری تەندروستی گەرمیان و بەڕێوەبەری نەخۆشخانەی گشتی كەلار لەكارەكەیان دوور بخرێنەوە و داواكاری گشتی لەبەرامبەر سكاڵای یاسایی لەبەرامبەر ئەو بەرپرسانە بجوڵێن كە كەمتەرخەم بوون.
هاوكات داواش دەكەن ململانێی حزبایەتی لە نێوان یەكێتی و گۆڕان لە كەرتی تەندروستیدا كۆتایی پێبهێندرێت و كادرە بێ توانا نەشارەزاكان دوور بخرێنەوە كە بەو هۆیەوە چونەتە پێشەوە.
ئەوان داوای ئەوەشیان كردووە حكومەتی هەرێم وەك ناوچەیەكی كارەساتبار مامەڵە لەگەڵ گەرمیان بكات، بەهۆی ئەوەی ژمارەی تووشبووان و قوربانیانی بە كۆرۆنا لە هەموو كوردستان زۆرترە بەڵام خزمەتگوزاریە تەندروستیەكانیشی لە هەموو شوێنەكانی دیكە خراپترە.
لە گەرمیان تا ئێستا 772 تووشبووی كۆرۆنا تۆماركراوە و 160كەسیش چاكبوونەتەوە و 13 تووشبووش گیانیان لەدەستداوە.