بۆ یەکەمجار چوار بەنداو لەسەر ئاستی هەرێمی کوردستان تەواودەبن
وەزیری کشتوکاڵی هەرێم رایگەیاند، بۆ یەکەمجار چوار بەنداو لەسەر ئاستی هەرێمی کوردستان تەواوبوون کە توانای گڵدانەوەی زیاتر لە ٢٨ ملیۆن مەتر سێجا ئاویان هەیە.
بێگەرد تاڵەبانی وەزیری کشتوکاڵ و سەرچاوەکانی ئاوی هەرێم رایگەیاند، دوای هەوڵ و ماندووبوونێکی زۆر لە ساڵی ٢٠٢٢ و ٢٠٢٣ بۆ یەکەمجار چوار بەنداو لەسەر ئاستی هەرێمی کوردستان تەواوبوون، بۆ ئەمساڵ سوود وەرگیراوە لە گڵدانەوەی سەرچاوەکانی ئاو، بەتێکراش توانای گڵدانەوەی ٢٨ ملیۆن و ٦٠٠ مەتر سێجا ئاویان هەیە.
ئاماژەی بۆ ئەوەشکردووە، بەنداوی دێوانە لە سلێمانی توانای گلدانەوەی ١٩ ملیۆن مەتر سێجا، بەنداوی تورەجاڕ لە گەرمیان توانای ملیۆنێک و ٧٠٠ مەتر سێجا، بەنداوی خنس لە دهۆک توانای شەش ملیۆن و ٧٠٠ مەتر سێجا و بەنداوی چەمرگە لە هەولێر توانای ملیۆنێک و ٢٠٠ مەتر سێجا ئاوی ھەیە.
|