پاسەوانی سنور: تەقینەوەکانی سنوری هەولێر تەنها پوچەڵکردنەوەی بۆمبە
وتەبێژی پاسەوانی سنوور هۆکاری تەقینەوەکانی هەندێک ناوچەی سنووری هەولێر ئاشکرا کرد کە تەنها پوچەڵکردنەوەی بۆمبە و هاوڵاتیان نەترسن.
موقەدەم سامی خۆشناو، وتەبێژی پاسەوانی سنوور راگەیاند: ئەو دەنگی تەقینەوانەی لە هەندێک ناوچەی هەولێر بیستراون و دەبیسترێن، پووچەڵکردنەوەی بۆمبەکانی سەردەمی رژێمی بەعسە کە کۆکراونەتەوە بە هاوکاری لەگەڵ دەزگای مینی هەرێمی کوردستان.
باسی لەوەشکرد: هیچ تەقینەوەیەک نەبووە و تەنیا پووچەڵکردنەوەیە و دڵنیایی دەدەینە هاووڵاتییان تەقینەوەکان خۆمان ئەنجامی دەدەین و پێویست ناکات بترسن.
ئەمە لە کاتێکدایە، هەفتەی رابردوو لە کاتی پووچەڵکردنەوە، سێ کارمەندی پاسەوانی سنوور لە هەولێر شەهید بوون.
|