سودانی لە سەردانەکەیدا بۆ واشنتۆن چەند پرسێکی گرنگ تاوتوێ دەکات
راوێژکارێکی سودانی ئاشکرایدەکات، دۆسیەی گرنگی پەیوەست بە عێراق لە سەردانەکەی ئەمجارەی سەرۆک وەزیران بۆ واشنتۆن یەکلایی دەکرێنەوە.
محەمەد ساحیب دەراجی، ڕاوێژکاری سودانی ڕایگەیاندووە، سەردانەکەی سەرۆک وەزیران بۆ واشنتۆن گرنگ دەبێت و چەندین دۆسیە یەکلادەکرێنەوە، لەوانەش پارەی نەوت، بوونی هێزەکانی هاوپەیمانی، دۆسیەی وزە و ئاو، لەگەڵ پرسەکانی پەیوەست بە کەشوهەوا.
رونیشیکردووەتەوە گەمارۆکانی سەر بانکە ئەهلییەکان بەهۆی تیرۆرەوە نییە، بەڵکو بەهۆی خراپی کار و کەمی زانیاری لە بەکارهێنانی پلاتفۆرمی ئەلیکترۆنیەوەیە، بەوتەی خۆی ئەمریکا مافی ئەوەی نییە بەمجۆرە مامەڵە لەگەڵ پارەی عێراقدا بکات و سودانیش لە سەردانەکەیدا ئەو پرسە یەکلایدەکاتەوە.
دەراجی باس لەوەشکردووە، لەڕێگەی چەند رێکارێکی حکومەتەوە، بەمنزیکانە جیاوازی ئاڵوگۆڕی دۆلار بەرامبەر دینار چارەسەر دەبێت.
|