دەروازەی نێودەوڵەتیی پەروێزخان بۆ ماوەی ٢٤ کاتژمێر دادەخرێت
یەکەم ڕۆژی جەژن جمجوڵی بازرگانی لە دەروازەی نێودەوڵەتیی پەروێزخان بۆ ماوەی ٢٤ کاتژمێر ڕادەگیرێت.
دەروازەی نێودەوڵەتیی پەروێزخان لە راگەیەندراوێکدا بڵاویکردەوە، ئاگاداری سەرجەم بازرگانان، شۆفێران، نوسینگە و کاسبکارانی ناو حەرمی دەروازەکەمان دەکەینەوە یەکەم رۆژی جەژنی رەمەزان هاتوچۆی بازرگانی بۆ ماوەی ٢٤ کاتژمێر رادەگیرێت.
لە راگەیەندراوەکەدا هاتووە، هاتوچۆی گەشتیاری ئاسایی دەبێت و راناگیرێت، لە دووەم رۆژی جەژنەوە هەموو هاتوچۆکان ئاسایی دەبنەوە.
پێشتر دەروازەی نێودەوڵەتیی باشماخیش رایگەیاند، یەکەم رۆژی جەژنی رەمەزان هاتوچۆی بازرگانی بۆ ماوەی ٢٤ کاتژمێر رادەگیرێت و رۆژەکانی دیکە ئاسایی دەبێتەوە.
|