لە کەلار ١٣ کەس بەهۆی خواردنی جەژنەوە ڕەوانەی نەخۆشخانە کران
نەخۆشخانەی فریاکەوتنی شەهید هەژار لەکەلار بڵاویکردەوە، ئەمڕۆ ٨٢ نەخۆش سەردانی نەخۆشخانەکەیانی کردوە، و بەشێکیان بەهۆی تێکچونی گەدەوە بووە.
ڕزگار لەتیف، بەڕێوەبەری نەخۆشخانەی شەهید هەژار لەکەلار ڕاگەیاند " لەیەکەم ڕۆژی جەژن ٨٢ نەخۆش هاتونەتە نەخۆشخانەکەیان، کە چوار ڕوداوی کەوتنە خوارەوە،و دوو ڕوداوی هاتوچۆ و ١٣ حاڵەتیشی بەهۆی تێکچونی گەدەوە و خواردنی جەژنەوە بوە"
هاوکات ئاماژەی بەوەشداوە، لەلایەن کارمەندەکانیانەوە ٨٠ تیشک گیراوە بۆ نەخۆشەکان لەگەڵ ٤٧ پشکنینی جۆراوجۆر.
|