هێزی هاوپەیمانان ستایشی هەماهەنگی دژەتیرۆری عێراق و هەرێم دەكات
دژەتیرۆری عێراق و هەرێمی کوردستان
فۆتۆ:
یەکەی ئۆپراسیۆنە تایبەتەکانی هێزی هاوپەیمانان لە سوریا و عێراق باس لە هەمانگی هێزەكانی دژەتیرۆری كوردستان و عێراق دەكات، بۆ ئەنجامدانی ئۆپراسیۆنی هاوبەش لە دژی چەكدارانی داعش .
لە توێتێكدا یەكەی ئۆپراسیۆنە تایبەتەكانی هێزەكانی هاوپەیمانان لە سوریا و عێراق لە هەژماری خۆی لە تۆڕی كۆمەڵایەتی تویتەر ڕایگەیاندووە، دەزگای دژەتیرۆری عێراق لە ئۆپراسیۆنەكانی پارێزگای دیالە، هەمانگی دەكات لەگەڵ هَێزەكانی دژەتیرۆری كوردستان .
ئاماژەی بەوەشكردووە، ئەو هەماهمگییە، ئاماژەیە بۆ هەوڵەكانی عێراقی یەكگرتوو بۆ بەزاندنی داعش و جەختیكردنەوەیە لەسەر چەسپاندنی ئاسایش و ئارامی .
ئەوەش لە كاتێكدا بەهۆی جموجوڵەكانی چەكدارانی داعش لەناوچەكانی پارێزگای دیالە و ئەنجامدانی چەندین هێرش بۆسەر هاوڵاتیانی مەدەنی و هێزە ئەمنییەكان لە ناوچەكە، لە دوو هەفتەی ڕابردوودا سوپا و هێزەئەمنییەكانی عێراق ئۆپراسیۆنێكی فراوانیان دەستپێكرد .
لەو ئۆپراسیۆنە هاوبەشەدا هێزەكانی دژەتیرۆر عێراق و هێزەكانی دژەتیرۆری سلێمانی بەهاوبەشی بەشداری ئۆپراسیۆنەكەیان كرد بۆسەر چەكدارانی داعش لە سنورەكە .
|