پێنج خێمەی ئاوارەكانی شنگال سووتان
لەكەمپی كەبەرتووی ئاوارەكانی شنگال لە سنوری پارێزگای دهۆك رووداوێكی ئاگركەوتنەوە روویدا و بەهۆیەوە پێنج خێمەی ئاوارەكان سووتان.
بێوار عەبدولعەزیز، وتەبێژی بەڕێوەبەرایەتی بەرگری شارستانی دهۆك بە (تۆڕی هەواڵی ژیان)ی راگەیاند، لە ڕووداوەكەدا پێنج خێمەی ئاوارەكان بەتەواوەتی سووتاون و زیانی زۆر بەو ئاوارانە كەوتووە وە بەڵگەنامەكانیشیان سووتاون.
ناوبراو وتیشی، لێكۆڵینەوە لە هۆكاری گڕگرتنی ئەو خێمانە دەستیپێكردووە و هیچ زیانێكی گیانی لێنەكەوتووەتەوە، بەپێی زانیارییە سەرەتاییەكان ڕووداوەكە بەهۆی شورتی كارەباوە بووە .
|