لە زاخۆ 30 شوێن بەهۆی پابەندنەبوون بە رێنماییەكان داخران
قایمقامیەتی زاخۆ بەهۆی پابەند نەبوون بە رێنماییە تەندروستیەكانەوە 30 شوێنی سزا دەوە كە 24 شوێنیان داخراون.
وەڵات هەجەر، بەرپرسی لیژنە هاوبەشەكانی قایمقامەتی زاخۆ، بە (تۆڕی هەواڵی ژیان)ی راگەیاند: دوای بڕیاری وەزارەتی ناوخۆ بە مەرجكردنی بەكار هێنانی ماسك و دەستەوانە 11 لیژنەی بەدواداچوونمان دروست كردو لە یەكەم رۆژدا سەرجەم دوكاندار و شوێنی كارەكان ئاگادار كراونەتەوە لەوەی كە سزا دەدرێن ئەگەر پابەنی رێنماییەكان نەبن.
ئەو روونیشیكردەوە دوای لێپرسینەوە لیژنەكانیان لە ماوەی دوو رۆژدا 24 دووكانیان داخستووە و شەش دووكانیش بە بڕی 300 هەزار دینار سزادراون.
وەڵات هەجەر راشیگەیاند، برشیاری لیژنەكان بەشێوەیەكە كە یەكەم جار تەنها ئاگادار كردنەوە دەبێت و لەگەڵ دووبارە كردنەوەیدا بە بڕێك پارە سزادەدرێت یان دوكانەكەی بۆ چەند رۆژێك دادەخرێت.
لیژنەكانی قایمقامیەتی زاخۆ نوێنەری پۆلیس و ئاسایش و شارەوانی و تەندروستی تیادایە و سێ لیژنەش بۆ ناحیەكانی رزگاری و باتیفا و دەركار پێكهێندراوە كە چاودێری ئەو ناحیانە دەكات.
|