لەپێکادانێکدا لەگەڵ پەکەکە دوو سەربازی تورکیا کوژران
وەزارەتی بەرگری تورکیا ئەمڕۆ شەممە ڕایگەیاند، لەڕوبەڕوبوونەوەیەکەدا لەگەڵ گەریلاکانی پەکەکە، دوو سەربازی سوپای وڵاتەکەی کوژراون.
وەزارەتی بەرگری تورکیا لەبەیاننامەیەکدا ئاشکرایکرد، پێکدادانەکە لە سنوری نێوان ئێران و تورکیادا بووە.
بە گوێرەی بەیاننامەکە پێکدادانەکە لە کاتێکدا بووە، گەریلاکانی پەکەکە ویستوویانە لەناو خاکی ئێرانەوە بێنە ناو خاکی تورکیاوە.
بەڵام تا ئێستا پەکەکە هیچ زانیارییەکی لەسەر ئەو ڕوداوە ئاشکرا نەکردووە و بەرپرسیارێتی لەهێرشەکە دەرنەبڕیووە.
|