دوو كەس بەهۆی دزینی مۆبایل لە منداڵان دەستگیركران
پۆلیسی ھەولێر دەستگیركردنی دوو تۆمەتباری راگەیاند كە مۆبایلیان لە منداڵان دزیووە، داوایەكیش ئاراستەی ئەو كەسانە دەكات كە مۆبایلیان لێدزراوە.
بەشی پۆلیسی نەهێشتنی تاوان – نووسینگەی رۆژهەڵات، دوو كەسی بە رەگەز سوورییان بە ناوەكانی (ش.ع.ق) و (ح.ع.ی) بە تۆمەتی دزینی 11 مۆبایلی زیرەك دەستگیر كرد.
ئەو دوو كەسە لە چەند گەڕەكێكی جیاوازی شاری هەولێر بە ماتۆڕسكیل مۆبایلی زیرەكیان لە دەست منداڵان رفاندووە و لێیان دزیون، لەبەردەم دادوەر دانیا نبە تاوانەكەیاندا ناوەو و پەڕاوی لێكۆڵینەوەیان بۆ كراوەتەوە.
پۆلیس، هاوڵاتیان ئاگادار دەكاتەوە "هەر كەسێك دزیی هاوشێوەی لێكراوە و مۆبایل لە منداڵەكانی دزراوە، بە مەبەستی تۆماركردنی سكاڵا، سەردانی بەشی پۆلیسی نەهێشتنی تاوان – نووسینگەی رۆژهەڵات بكات".
|