دەروازە سنورییەکانی عێراق داهاتی مانگی ڕابردووی ئاشکراکرد

دەستەی دەروازە سنورییەکانی عێراق ڕایگەیاند داهاتی مانگی ڕابردووی دەروازە سنورییەکان زیاتر لە 100 ملیار دینار بووە.

دەستەکە لە ڕاگەیەندراوێکدا ئاشکرایکردوە داهاتی مانگی ڕابردوو بریتی بووە لە 100 ملیارو 979 ملیۆن و 929 هەزار دیناربووە.

دەستەکە ئاماژەی بەوەشکردوە لە هەوڵەکانیان بۆ سەپاندنی دەسەڵاتی دەوڵەت و  زیادکردنی داهات بەردەوام دەبن.

دەستەکە ڕاشیگەیاندوە داهاتەکە زیادی کردوە ئەوەش دوای ئەوەی بە بڕیاری مستەفا کازمی سەرۆک وەزیران هێزی تایبەت بە پاراستنی دەروازەکان دیاریکرا و جوڵەی بازرگانی رێکخرایەوە.

ئەوە لەکاتێکدایە لەماوەی ڕابردوو کازمی هەڵمەتێکی بۆ سەپاندنی دەسەڵاتی دەوڵەت بەسەر دەروازە سنورییەکاندا دەستپێکرد.