بەڕێوەبەرێکی ئاسایش لە پارێزگای دهۆک کوژرا
غازی ساڵح ئالیخان بەڕێوەبەری ئاسایشی دەروازەی سەرزێڕ کوژرا
فۆتۆ: ئەرشیڤ
دهۆک
بەڕێوەبەری ئاسایشی دەروازەی سەرزێڕ، لە ناحیەی کانی ماسێ سەر بە پارێزگای دھۆک کوژرا.
پەیامنێری تۆڕی هەواڵی ژیان ڕایگەیاند، ئێوارەی ئەمڕۆ پێنجشەممە ٨ی١٠ی٢٠٢٠، لەلایەن چەند کەسێکی نەناسراوەوە و لە بەردەم ماڵەکەی خۆی، دەستڕێژی گوللە لە غازی ساڵح ئالیخان بەڕێوەبەری ئاسایشی دەروازەی سەرزێڕ کراوە و کوژراوە.
لەوبارەیەشەوە سەرچاوەیەک لە نەخوشخانەی فریاکەوتنی زاخۆ بە تۆڕی ھەواڵی ژیان ڕاگەیاند، درەنگانی ئێوارەی ئەمڕۆ، بەڕێوەبەری ئاسایشی دەروازەی سەرزێر لە ناحیەی کانی ماسێ، بەبرینداری گەیندرایە نەخۆشخانەکە کە دوو گوللەی لێدرابوو و بەسەختی بریندارکرابوو.
ئاماژەی بەوەشکرد، سەرەڕای هەوڵی پزیشکان و دوای چەندین کاتژمێر مانەوەی لەژێر چاودێری چڕ، کەمێک پێش ئێستا غازی ساڵح ئالیخان گیانی لەدستداوە.
پەیامنێری تۆڕی هەواڵی ژیان ڕایگەیاند، تا ئێستا نازانراێت چ کەسانێک ئەو هێرشەیان ئەنجامداوە و هێزە ئەمنییەکان لێکوڵینەوەیان لە رووداوەکە دەستپێکردووە.
|