تورکیا سێ گوندی نزیک زاخۆ توپباران دەکات
تۆپخانەکانی سوپای تورکیا سێ گوندی سنوری ناحیەی باتیفایان لە سنوری قەزای زاخۆ بە چڕی توپباران دەکەن.
ھاوڵاتی کاوە حسێن لە ناحیەی باتیفا بە توڕی ھەواڵی ژیانی ڕاگەیاند : کەمێک پێش ئێستا توپخانەکانی سوپای تورکیا دەستیان کردوە بە توپبارانکردنی گوندەکانی سیلێ و ڕویسێ و شیدنێ لە ناحیەی باتیفا و تا ئێستا توپبارانەکە بەردەوامە .
ئاماژە بەوەشکرد :" توپخانەکان زیاتر لە شەش جار ئەم سێ گوندانە توپبارانکردوە و بە شێوەیەکی چڕ ، بەڵام تا ئێستا زیانەکان نازانرێت ".
ئەوەش لە کاتێکدایە دوێنی سوپای تورکیا بە بیانوی لێدان لە بارەگەکانی پارتی کرێکارانی کوردستان پەکەکە ، سێ خانو لە گوندی شیدنێ بە تەواوی سوتاند.
|