تۆمەتبارێکی دۆسیەی کوشتنی دوو کچەکەی چەمچەماڵ دەستگیرکرا

پۆلیسی فریاکەوتنی چەمچەماڵ تۆمەتبارێکیان بە تۆمەتی دەستهەبوون لە کوشتنی دوو کچەکەی چەمچەماڵ دەستگیرکرد.

بەڕێوەبەرایەتی پۆلیسی سلێمانی ڕایگەیاند تۆمەتبارەکە مامی کچەکانە و بەپێی مادەی 406 داواکراوبوو.

پۆلیسی سلێمانی ئاشکرایکردوە تۆمەتبارەکە دەستیهەبووە لە کوشتنی دوو کچەکەدا و لەلایەن پۆلیسەوە داواکرابوو.

ئەوە لەکاتێکدایە مانگی ڕابردوو دوو خوشکی تەمەن 17 و تەمەن 19 ساڵ لە قەزای چەمچەماڵ کوژران و کوشتنەکەی کاردانەوەی زۆری لێکەوتوە و باوکی کچەکان تۆمەتبارکران بە کوشتنیان.


هاوکات سەرکەوت ئەحمەد وتەبێژی پۆلیسی سلێمانی بە (تۆڕی هەواڵی ژیان)ی ڕاگەیاند تا ئێستا بەس ئەو تۆمەتبارە دەستگیرکراوە و لێکۆڵینەوە بەردەوامە.