پۆلیس دووکەسی بە تۆمەتی ساختەکردنی دۆلار دەستگیرکرد
بەڕێوەبەرایەتی پۆلیسی سلێمانی ڕایگەیاند دووکەسیان بە تۆمەتی ساختەکردنی بڕێک دۆلار دەستگیرکردوە.
پۆلیسی سلێمانی لە ڕاگەیەندراوێکدا ئاشکرایکردوە تیمەکانی بەشی پۆلیسی نەهێشتنی تاوان و بەشی پۆلیسی فریاکەوتن لەناو بازار ئەو دووکەسیان دەستگیرکردوە.
ئاماژەی بەوەشکردوە دوای لێکۆڵینەوەی ورد و دەستنیشانکردنی شوێنەکانیان دەستگیرکراون و لەکاتی دەستگیرکردنیشیان بڕی 4 هەزار و 600 دۆلاری ساختەیان پێ بووە کە ویستویانە ساغی بکەنەوە.
پۆلیسی سلێمانی ڕاشیگەیاندوە تۆمەتبارەکان دانیشتووی قەزای دوزن و بەبڕیاری دادوەر ڕاگیراون و لێكۆڵینەوە لە گەڵیان بەردەوامە .
|