ئومێد سەباح: نابێت لە دوای فرسەت سۆفی کەلێن دروستببێت
سەرۆکی دیوانی ئەنجومەنی وەزیران بە نوێنەرایەتی مەسرور بارزانی سەرۆکی حکومەتی هەرێم کۆبونەوەیەکی لەگەڵ جێگرانی پارێزگار و قایمقام و بەرپرسانی ئەمنی هەولێر ئەنجامدا و ڕایگەیاند نابێت لەدوای فرسەت سۆفی بهێڵن کەلێن دروستببێت.
بەپێی ڕاگەیەندراوی پارێزگاری هەولێر، سەرۆکی دیوانی سەرۆکایەتی حکومەت ڕایگەیاندوە پێویستە لەمەودوا بەهەمان ڕوحیەت و دڵسۆزی و لەخۆبردویەوە لەسەر ڕێگای خوالێحۆشبوو بەردەوامی بەکارەکان بدرێت.
ئاشکراشیکردوە ئەوان وەک سەرۆکایەتی حکومەت ئامادەی هەموو هاوکاری و پاڵپشتییەکن و نابێت هیچ کەلێنێک دروستببێت.
هاوکات هێمن قادر پارێزگاری هەولێر بەوەکالەت ئاماژەی بەوەکردوە هەروەک چۆن لەڕابردوودا شانبەشانی خوالێخۆشبوو د.فەرسەت سۆفی کارەکان ڕاییکراوە، بۆلەمەودواش وەک یەکتیم هەموو هەوڵەکانی خۆمان دەخەینەگەڕ و بەهەمان دڵسۆزی و شەونخونی و گەرم و گوڕییەوە کاردەکەین بۆ درێژەدان بەپلان و کارو بەرنامەکانی د.فەرسەت سۆفی .
پارێزگاری بەوەکالەتی هەولێر وتیشی ڕێگەنادەین هیچ کەلێنێک لەکارەکاندا ڕوبدات
|