بەرهەم ساڵح: پێویسته رێگری بكرێت لهوهی كهركوك بكرێته گۆڕهپانێك بۆ ململانێكان
بەغدا
سەرۆک کۆماری عێراق رایگەیاند، كاتی ئهوه ھاتووه چارهسهرێكی بنهڕهتی بۆ كێشهكانی كهركوك بێته ئاراوه كه پشتببهستێت به خواستی كهركوكییهكان دوور له پهراوێزخستن و جیاكاری، دەشڵێت، پێویسته رێگری بكرێت لهوهی كهركوك بكرێته گۆڕهپانێك بۆ ناكۆكی و ململانێكان.
ئەمڕۆ چوارشەممە ٢ی١٢ی٢٠٢٠، بەرهەم ساڵح سهرۆك كۆماری عێراق لە كۆشكی سهلام پێشوازیكرد له راكان جبوری پارێزگاری كهركوك و وهفدێكی یهكێتیی نیشتمانیی كوردستان و ئهنجومهنی عهرهبی له كهركوك.
له میانی دیدارهكهدا گفتوگۆكرا لهبارهی دۆخی ئهمنی و خزمهتگوزاری شاری كهركوك و ئهو كێشانهی رووبهڕووی دانیشتوانی شارهكه دهبێتهوه و پێویستی زامنكردنی ئاسایش و سهلامهتی و دابینكردنی خزمهتگوزاری بۆ سهرجهم ھاوڵاتیانی كهركوك.
بەرهەم ساڵح جهختیكردهوه له پێویستی چارهسهركردنی كێشهكانی كهركوك له رێگهی پشتبهستن به بهندهكانی دهستوور و خواستی دانیشتوانی رهسهنی شارهكه، كه زیانی زۆریان بهركهوتووه بههۆی سیاسهتی سهركوتكاری و گهندهڵی و پشتگوێخستن، وتیشی، كاتی ئهوه ھاتووه كه چارهسهرێكی بنهڕهتی بۆ كێشهكانی كهركوك بێته ئاراوه كه پشتببهستێت به خواستی كهركوكییهكان دوور له پهراوێزخستن و جیاكاری و سهپاندنی ئهمری واقع و زامنكردنی ئارامی و پێكهوهژیانی ئاشتیانهی له نێوان سهرجهم پێكهاته جیاوزهكان.
هەروەک ئاماژەی به پێوستی دیالۆگ و لێكتێگهیشتنی ھاوبهش له نێوان پێكھاته رهسهنهكانی كهركوك کرد، بۆ چارهسهركردنی كێشهكان بهبێ ئاڵۆزكردنی دۆخی شارهكه، راشیگهیاند، پێویسته رێگری بكرێت لهوهی كهركوك بكرێته گۆڕهپانێك بۆ ناكۆكی و ململانێكان، له ھهمان كاتدا دووپاتیكردهوه له پێویستی بههێزكردنی ئاسایشی شارهكه و پاراستنی سهلامهتی ھاوڵاتییان و رێگریكردن له تیرۆریستان له تێكدانی دۆخهكه و ههڕهشهكردن له سهقامگیری كهركوك و خهڵكهكهی.
لە بەشێکی تری دیدارەکە، بهرههم ساڵح جهختیكردهوه لهوهی له پێگهی خۆیهوه چاودێری وردی دۆخهی كهركوك دهكات و كاریش دهكات لهسهر كهمكردنهوهی ئاستهنگهكان كه رووبهڕووی دانیشتوانی كهركوك دهبێتهوه، لهپێناو ھێنانهدی سهقامگیری و پارێزگاری له پێكهوهژیانی ئاشتیانه و پابهندبوون به دادپهروهری كۆمهڵایهتی و زامنكردنی مافی سهرجهم پێكهاتهكان و گهیشتن به چارهسهرێكی گونجاو بۆ كێشه ههڵپهسیردراوهكان به گوێرهی دهستوور و خواستی كهركوكییهكان.
لای خۆیشیانهوه، پارێزگار و وهفدی كهركوك بیرو بۆچونهكان و سووربوونی سهرۆك كۆماریان بۆ چارهسهركردنی دۆخ و خۆشگوزهرانی خهڵكی كهركوك بهرزنرخاند، له پێناو زامنكردنی پێكهوهژیانی ئاشتیانهی نێوان پێكهاته جیاوازهكانی شاری كهركوك.
|