لێپرسراوێکی باڵای حەشدی شەعبی و خێزانەکە لە ڕوداوێکی هاتوچۆدا گیانیان لەدەستدا
دەستەی حەشدی شەعبی ڕایگەیاند، لەکاتی ئەرکدا بەڕێوەبەری بەڕێوەبەراتی گشتی دەستەی حەشدی شەعبی و خێزانەکەی گیانیان لەدەستدا.
لە بەیاننامەیەکدا حەشدی شەعبی بڵاویکردەوە، لەڕێگەی نەجەف- بەغدا ئەحمەد عەبدولوەهاب جابری و خێزانەکەی لە کاتی ئەرکدا لەڕوداوێکدای هاتووچۆدا گیانیان لەدەستداوە.
خێزانی ئەحمەد جابری خوشکی محەمەد رەزا جابریی، بەڕێوەبەری پێشووی حەشدی شەعبییە، کە لە روداوی کوژرانی قاسم سولەیمانی و ئەبو مەهدی موهەندیسدا ساڵی ڕابردوو کوژراوە.
حەشدی شەعبی ئاماژەی بەوەشکردووە، جابری هەر لەسەرەتاوە ڕۆڵێکی گرنگی هەبووە لە دامەزراندن و بەڕێوەبەردنی دەستەی حەشدی شەعبیدا.
|