سەرۆك كۆماری توركیا ئاشكرای دەكات ئێران لە بونی هێزەكانی توركیا لە سوریا نیگەرانە و وتیشی داوای كردووە لە لە دانوستانەكانی ئاستانە عێراق و سوریا بەشداری بكەن.

بەهۆی بوونی شەپۆلێكی نوێی سەرماوسۆڵە و بەفربارین، قوتابخانەكانی هەریەكە لەپارێزگاكانی ورمێ‌ و سنە داخران و بەرپرسانی ئەو دووپارێزگای سنەش ئاماژ بەوە دەكەن، بەهۆی بارینی بەفر رێگای پەیوەندیی زیاتر لە 150 گوند لە ناوچەكانی مەریوان، بانە و سەقز داخراون.

روانگەی سوری بۆ مافەكانی مرۆڤ ئاشكرای دەكات، هەسەدە كۆتا ناوچەی ژێر دەستی داعشی لە رۆژهەڵاتی سوریا كۆنترۆڵ كردەوە و ئاماژە بەوەش دەكات، چەكدارەكانی داعش لەو ناوچەیە خۆیان رادەستی هەسەدە كردووە.

حكومەتی ئەمەریكا هۆشداریی دەداتە هاوڵاتیانی لە بارەی گەشتكردن بۆ توركیا لە مانگی شوبات و ئازاردا بەهۆی ئەوەی لەو ماوەیەدا هەڵبژاردنی توركیا هەیە و خۆپیشاندانیش لە ئێستادا لە توركیا زۆرە.

ڕێكخراوی سوپای عەدل، بەرپرسیارێتی خۆی لە هێرشی سەر پاسەكەی سوپای پاسداران راگەیاند و وردەكاری هێرشەكەی ئاشكرا كرد كە تیایدا ئاماژە بەوە دەكات ماوەی 6 مانگە پلانیان بۆ ئەو هێررشە داناوە.

دوای كۆبونەوەی لوتكە نێوانیان سەرۆكی توركیا سورە لەسەر دروستكردنی ناوچەی ئارام لە سوریا و ئێران و روسیاش رایدەگەیەنن پێویستە حكومەتی سوریا بگەڕێتەوە ئەو شوێنانەی ئەمریكا لێی دەكشێتەوە.