وشەیەک بنوسە بۆ گەران .

حەمید عوسمان هۆكاری پاشگەزبوونەوەی لە كۆنسێرتەكەی لەیلا فروهەر ئاشكرادەكات


ژیان:

هونەرمەندی گۆرانیبێژی لاو "حەمید عوسمان" لەبریاری كۆنسێرتەكەی لەگەڵ خانمە گۆرانیبێژی فارس لەیلا فروهەر پاشگەز دەبێتەوە و دەڵێت" بەشداری کۆنسێرتی ناوبراو ناکەم".

حەمید لە ڕونكردنەوەكەدا سەبارەت بەکۆنسێرتی ڕۆژی چوارشەممە 13/3/2013 لەهۆڵی سپی چاڤی لاند لەگەڵ خانمە هونەرمەندی فارس لەیلا فروهەر نوسیویەتی" بەداوای لێبووردنێکی زۆرەوە لەئازیزان و هەوادارانی هونەرەکەم کە من وەک حەمید عوسمان بەشداری کۆنسێرتی ناوبراو ناکەم".

سەبارەت بە هۆكاری ئامادە نەبوونی لەم كۆنسێرتە دەڵێت" لەبەر ئەوەی کۆمپانیای SADA production لەڕۆژی ئەنجامدانی کۆنسێرت پاشگەز بۆتەوە لەو ڕێککەوتنەی پێش وەختەی لەلایەن هەردوو لاوە ڕەزامەندی لەسەر درابوو".

هەروەها نوسیویەتی "لەڕیکلامی کۆنسێرتەکەدا ،بەداخەوە خانمە هونەرمەند لەیلا فروهەر زۆر بەرجەستە کراوە ،بۆ بچوکردنەوەی هونەرمەندی کورد، دووبارە داوای لێبووردن لەهەموو ئازیزان و هەوادارانم دەکەم ،بەڵێنی ئەوەش دەدەم لەکاتێکی نزیکدا لەکۆنسێرتێکی ناوازەدا لەخزمەتاندا دەبم".