وشەیەک بنوسە بۆ گەران .

سەدان چەکداری داعش خۆیان ڕادەستی هەسەدە کرد

ئۆپەراسیۆنی شەڕڤانان لە باغۆز بەردەوامە
خۆرادەستکردنەوەی چەکدارانی داعش_ باغۆز

ژیان:

ئاژانسەکانی هەواڵ باس لەوە دەکەن ئەمڕۆ بە سەدان چەکداری داعش لە باغۆزی دەیرلزوور خۆیان ڕادەستی هێزەکانی هەسەدە کردووە.

بەگوێرەی هەواڵێکی ئاژانسی فورات نیوز، ئۆپەراسیۆنى شەڕڤانانى هێزەکانى سوریاى دیموکراتیک "هەسەدە" بۆ سەر گوندی باغوز لە ناوچەى هەجینى دەیرلزوور لە دژی ئەو چەکدارانەی داعش بەردەوامە، کە ئامادە نین خۆیان رادەستى شەڕڤانان بکەن.

ئاماژە بۆ ئەوەشدراوە، لەو ناوچەیدا سەدان چەکداری دیکەی داعش خۆیان رادەستى هێزەکانى سوریاى دیموکراتیک "هەسەدە" کرد.

ئاشکراشیان کردووە، شەڕڤانانی هەسەدە چەکدارانی داعشیان لە شوێنێکدا گەمارۆداوە، کە وەک کەمپ بۆ مانەوەى خۆیان دروستیان کردووە.