وشەیەک بنوسە بۆ گەران .

مێركڵ ئەڵمانیای كردە خاوەنی گەورەترین ئۆفیسی هەواڵگری لەجیهاندا

ئەڵمانیا لە ئێستادا لە هەركاتێكی تر زیاتر پێویستی هەواڵگرییەكی فیدراڵی بەهێزو چالاك هەیە

ژیان: گاردیان و جۆرناڵ
"بیناكە لەسەر رووبەری 2 ملیۆن 60 هەزار مەتر دووجا زەوی بونیادنراوە، 12 هەزار دەرگای تێدایەو ماوەی 12 ساڵە سەدان ئەندازیارو كرێكار كاردەكەن لەدروستكردنیدا، بە بەردەوامی نزیكەی چوار هەزار كارمەندی هەواڵگری ئەڵمانیا كاری تێدا دەكەن، لەبەر ئەوە بەگەورەترین ئۆفیسی هەواڵگری لەجیهاندا دادەنرێت".

سەرەتا یاریگای تۆپی پێ بووە

 ئەو ناوچەیەی كەئێستا بووەتە شوێنی گەورەترین بینای هەواڵگری لەجیهاندا لەبەرلینی پایتەختی ئەڵمانیا، لەپێش جەنگی جیهانی دووەم، بنكەی پۆلیسی ئەڵمانیا بووە. دواتر، لەماوەی ئەو جەنگەدا بەتەواوەتی خاپور بووە، هەر لەبەر ئەوەش دوای بنیادنانەوەی ئەڵمانیا شوێنی ئەو بینایە كراوەتە یاریگایەكی گەورە، پاشان لە ساڵی 2000 كاتێك ئەڵمانیا میوانداری ئۆڵۆمپیاتی كرد یاریگاكە تەرخانكرا بۆ ئەو بابەتە. پاش هەموو ئەمانە ئەو یاریگایە بەتەواوەی وەلانرا، تا ساڵی 2006 دەستكرا بەروخاندنی و تەرخانكردنی بۆ بینای ئاژانسی هەواڵگری فیدراڵی ئەڵمانیا ناسراو بە (BND). 


بەهۆی رووبەرە فراوانەكەیەوە پێشی پنتاگۆنی داوەتەوە

 ئەوەی ئەم بینایە لەسەرجەم بیناكانی تری دەزگا هەواڵگرییەكانی جیهان جیادەكاتەوە ئەو پێكهاتە سەرنجڕاكێشەیە كە هەیەتی، ئەمە سەرەڕای رووبەرە فراوانەكەی. ئەم بینایە لەسەر رووبەری 2 ملیۆن 60 هەزار مەتر دوجا بنیادنراوە.  135 هەزار مەتر چوارگۆشە كۆنكرێت و 20 هەزار تۆن ستیل بەكارهاتووە لەدروستكردنیدا. 14 هەزار پەنجەرە و 12 هەزار دەرگای تێدایە. 

ئەم بینایە لەسەر ڕووبەری 2 ملیۆن و 60 هەزار مەتر دووجا بنیادنراوە، 135 هەزار مەتر چوارگۆشە کۆنکرێت و 20 هەزار تۆن ستیل بەکارهاتووە لە دروستکردنیدا، 14 هەزار پەنجەرە و 12 هەزار دەرگای تێدایە

ئەم بینایە یەكێكی تر لەتایبەتمەندییەكانی بریتیە لەو ژێرزەمینەی كە هەیەتی، چونكە خاوەنی ژێرزەمینێكی چەندین نهۆمی زۆر تایبەت دیزاینكراوەی نهێنییە كە بەتایبەتی بۆ كاری هەواڵگری دروستكراوە.

دیزاینی بیناكە لەلایەن كۆمپانیای (كڵایهیوس+كڵایهیوس)ەوە كراوە كە یەكێكە لەگەورەترین كۆمپانیا بیناسازییەكانی ئەڵمانیاو لەلایەن ئەندازیاری بەناوبانگی كۆچكردوی ئەڵمانی جۆزێف پاوڵ كڵایهیوس-ەوە بونیادنراوەو خاوەنداریەتی دەكرێت. 

یەكێك لەو خاڵانەی كە لەدروستكردنی ئەم بینایەدا بەدرێژای مێژوو هەڵوەستەی لەسەر دەكرێت ئەوەیە، هیچ دەستی كارو بەرهەمێكی بیانی بەكارنەهاتووە لەدروستكردنیدا، تەواوی ئەو ئەندازیارو كرێكارو كەرەستە بیناسازیانەی كە بەكارهاتوون ئەڵمانین.

بەهۆی گەورەیی پرۆژەکە و ئەو وردەکارییانەی لە دروستکردنیدا بەکارهاتوون، حکومەتی ئەڵمانیا پارەیەکی زۆری بۆ دروستکردنی ئەم بینایە تەرخان کردووە و تا تەواوبوونی بڕی یەک ملیار و 25 ملیۆن دۆلاری تێچووە

لەرووی هەڵكەوتەوە ئەم بینایە دەكەوێتە سەر رێگای دیواری بەرلین لەبەرلینی پایتەختی ئەڵمانیا، كە بەیەكێك ناوچە ئەمنییە زۆر توندەكانی ئەو شارە ناسراوەو تەنیا كارمەندی تایبەت رووی تێدەكەن، ئەو كارمەندانەش ناچارن خۆیان لەگەڵ یاساكان بگونجێنن و بەهیچ شێوەیەك لە یاساكان لانەدەن.

سەدان ملیۆن دۆلاری تێچووە

 بەهۆی گەورەی پڕۆژەكەو ئەو وردەكارییانەی كە لەدروستكردنیدا بەكارهاتوون، حكومەتی ئەڵمانیا پارەیەكی زۆری بۆ دروستكردنی ئەم بینایە تەرخانكردووەو تا تەواوبوونی بڕی  یەك ملیارو 25 ملیۆن دۆلاری تێچووە.

جێگای شەش هەزار و 500 كارمەندی هەواڵگرییە

 ئۆفیسە نوێیەكەی دەزگای هەواڵگری فیدراڵی ئەڵمانیا بە بەردەوامی 3 هەزارو 200 كارمەند كاری تێدادەكەن، لەكۆی ئەو چوار هەزار كارمەندە هەواڵگرییەكە كە لەناو ئەڵمانیادا كاردەكەن. ئەمە سەرەڕای ئەوەی، جێگەی تەواوی ئەو شەش هەزارو 500 كارمەندە هەواڵگرییەی تێدا دەبێتەوە كە ئەو وڵاتە هەیەتی لەسەرانسەری جیهاندا.

لەكاتی دروستكردنی بیناكەدا (واترگەیت) دوبارە بووە

 هەرچەندە بڕیاربوو ئەم باڵەخانەیە لە ساڵی 2011 تەواوببێت، بەڵام كردنەوەكەی بەهۆی ئەو كێشە بیناسازییانەی كە رووبەڕووی بووە دواكەوت بۆ ڕۆژی 8ی شوباتی 2019.

یەكێك لەو بەربەستانەی هاتە بەردەم كردنەوەی ئەم باڵەخانەیە لەساڵی 2015دا بوو، كاتێك كۆمەڵێك دز چونە سەر بیناكەو بەلوعەی تەواوی توالێتەكانی بیناكەیان دزی ئەمەش بووەهۆكاری دروستبوونی لافاو لە بیناكەدا و زیانی بیناسازی بەركەوت. ئەم روداوە لە میدیاكانی ئەڵمانیا بە (واترگەیت) ناوزەند كرا.
"ئەڵمانیا لە هەموو كاتێك زیاتر پێویستی بەدەزگایەكی هەواڵگری بەهێز هەیە"

رۆژی هەینی 8ی شوبات، ئەم ئۆفیسە بەئامادەبوونی برونۆ كاڵ، سەرۆكی ئاژانسی هەواڵگری فیدراڵی ئەڵمانیاو چەندین بەرپرسی باڵای تر بەفەرمی كرایەوە، یەكێك لەو بەرپرسانەی كە لەمەراسیمەكەدا بەشداربوو ئەنگێلا مێركڵ، راوێژكاری ئەڵمانیا بوو. 

سیستەمەکە بەشێوەیەکە ناتوانیت نە مۆبایل و نە لاپتۆپی تایبەتی خۆت بەریتە چوارچێوەی بیناکە، کارێکی رێگە پێنەدراویشە ئیمەیڵ و سۆشیال میدیای خۆت بەکاربهێنیت

مێركل لەمیانی بەشداریكردنی لەمەراسیمەكەدا وتارێكی پێشكەشكردو رایگەیاند "لەجیهانێكی پڕ ئاڵۆزیی وەك ئەم جیهانەدا دەتوانین بڵێین، ئەڵمانیا لە ئێستادا لە هەركاتێكی تر زیاتر پێویستی هەواڵگرییەكی فیدراڵی بەهێزو چالاك هەیە".

ناتوانی هیچ شتێكی تایبەت بەخۆت لە چوارچێوەی بیناكەدا بەكاربهێنیت

 ئەو كەسانەی كەكارمەندی دەزگای هەواڵگری ئەڵمانیان و بۆ كاركردن دەچنە ناو ئەم باڵەخانە نوێیەوە پێویستە رەچاوی سیستەمێكی تایبەت بكەن. سیستمەكە بەشێوەیەكە ناتوانیت نە مۆبایل و نە لاپتۆپی تایبەتی خۆت بەریتە چوارچێوەی بیناكە، كارێكی رێگە پێنەدراویشە ئیمەیڵ و سۆشیاڵ میدیای خۆت بەكاربهێنیت.

لەكۆتای هەموو رۆژەكەشدا پشكنینی بۆ سەرجەم ئەو كارتە ئەلیكترۆنیانە دەكرێت كەكارمەندەكان لەناو ئەم باڵەخانەیەدا بەكاریان دەهێنن بۆ ئەوەی دوربن لە سیخوڕیكردن بەسەریانەوە، پێویستە هەموو كارتەكان لەكۆتا كاتژمێرەكانی كاركردنداو لەكاتی چونەدەرەوەی كارمەندەكەدا بەپاكی و سەلامەتی دابخرێن. ئەم كارەش لەڕێگەی سیستەمێكی ئەلیكترۆنی تایبەتەوە دەكرێت كە لەناو بیناكەدا هەیەو بەكاردەهێنرێت.