وشەیەک بنوسە بۆ گەران .

تارا سەپان: خانمانی ئێستا كەمتر شارەزای دروستكردنی خواردنن

ئەوروپیەكان خواردنی كوردییان بەلاوە خۆشە
تارا ئەمین سەپان

ژیان: زانكۆ سەردار

 تارا ئەمین سەپان، خانمە دەستڕەنگینی بواری دروستكردنی خواردن، ئەو كە كچێكی هەڵەبجەیە و زیاتر لە بیست ساڵە لەوڵاتی ئەڵمانیا ژیان دەكات، باس لەوە دەكات، جگە لەوەی هونەری خواردن دروستكردن خولیایەكی منداڵی بووە و هەرلەتەمەنی 12 ساڵییەوە لە قوتابخانەكەی دایكی كە ماڵەوە بووە ئاشنا بووە بە چۆنێتی خواردن دروستكردن، هاوكات لەئێستاشدا دەیەوێت بەزانستی و ئەكادیمی بەردەوام بێت لە برەودان بە خەونەكەی.

تارا بۆ ژیان ووتی "لەتەمەنی 12 ساڵیدا بەهاوكاری دایكم بایەخم بەدروستكردنی خواردن دەدا، ئەمە سەرەتایەكی باشبوو بۆم تاوەكو پێكهێنانی خێزان و پاشان وردە وردە بایەخم بەدروستكردنی خورادن دەدات تاوەكو هاتمە ئەوروپا ئەوكات خۆم یەكلاكردەوە بۆ دورستكردنی خواردن".

بەقسەی تارا سەركەوتووبووە لەدروستكردنی خواردنی كوردی و بۆئەو مەبەستەش بەردەوام بووە لەپرسیاركردن، لەولاشەوە چاودێریكردنی خواردنە بییانیەكان (توركی، فارسی و عەرەبی) لەكەناڵەكانی راگەیاندن هۆكاری فێربوونی خواردنەكانیان بووە. باسی لەوەشكرد، كە بۆئەم كارەی باشتر بووە بخوێنێت و لەكارەكەی ببێتە خاوەن بڕوانامە.

تاران كەخاوەنی كتێبێكە بەناونیشانی (هونەری چێشتلێنان)، ساڵی 2018 چاپ و بڵاوكراوەتەوە، كتێبەكەی بووە یەكێك لە پڕفرۆشترین كتێب لەكوردستان و ئەمەش دەبێتە مایەی خۆشحاڵی ئەو

ئەو شێفە ناسراوە گرنگی گەڕان بەوڵاتان باس دەكات و جەخت لەوە دەكاتەوە، هەموو زانیاریەك و تاقیكردنەوەیەك گرنگی خۆی هەیە، بەجۆرێك بەهۆی ئەوەی وڵاتانی زۆر گەڕاوە سەرنجی خواردانەكانی داووەو لەوڵاتی ئەڵمانیا چێشتخانەیەكی دامەزراندووە تایبەت بە خواردنی كوردی هاوڵاتیانی ئەوروپاش سەردانی دەكەن بۆ خواردنە كوردیەكان وەك خۆی وتی "ئەوروپیەكان ناوی خواردنی كوردی فێربوون و داوای دەكەن و زۆر پێیانەوە خۆشن".

تاران كەخاوەنی كتێبێكە بەناونیشانی (هونەری چێشتلێنان)، ساڵی 2018 چاپ و بڵاوكراوەتەوە، كتێبەكەی بووە یەكێك لە پڕفرۆشترین كتێب لەكوردستان و ئەمەش دەبێتە مایەی خۆشحاڵی ئەو، لەبارەی كتێبەكەیەوە تاران ئەوە روندەكاتەوە، لەئێستادا سەرقاڵە بۆئەوەی چاپی دووەمی كتێبەكەی بخاتە بازاڕی.

تارا: بەگشتی ژنانی ئێستا كەمتر لەچاو پێشتر شارەزان، مەبەستم لەوە نیە ناتوانن یاخود نازانن، بەپێچەوانەوە ژنان ئێستا زیاتر چاوكراوەن، لێهاتون، بەڵام هۆكار زۆرە بۆ دوركەوتنەوەیان

پێشی وایە ژنانی ئێستا كەمتر شارەزای دروستكردنی خواردنن "بەگشتی ژنانی ئێستا كەمتر لەچاو پێشتر شارەزان، مەبەستم لەوە نیە ناتوانن یاخود نازانن، بەپێچەوانەوە ژنان ئێستا زیاتر چاوكراوەن، لێهاتون، بەڵام هۆكار زۆرە بۆ دوركەوتنەوەیان، ئێستا زیاترو ئاسانترە بەدەستهێنانی خواردنەكان، بۆیە دەبێت خۆیان حەزو ئارەزویان هەبێ و هەوڵ بدە، لەراستیدا ئەوان تەمەڵ نین، بەپێچەوانەوە زۆر زیرەكن، بەڵام هەندێكشت لەم سەردەمەدا ژیان زۆر بەرەوپێش چووە، هەموو ژنێك كارێكی دەرەوە دەكات، دەخوێنێ، چالاكی زۆریان هەیە، بۆیە كاتەكان كەم بوەتەوەو دەرفەتی فێربون بەو هۆیانەوە دوادەكەوێت تاوەكو دەگاتە ئەو كاتەی كەناچار دەبن فێربن".

تارا لەبارەی پیاوانیشەوە پێی وایە، زۆر پیاو هەیە ژنان دەستڕەنگینترە لەبواری دروستكردنی خواردنداو خواردنی دەستیشیان بەخۆش وەسف دەكات. وەك خۆی ووتی "بەڕاستی پیاوی زۆر هەیە دەستڕەنگین و لێهاتوون، لەبەشێك لەژنانیش باشترن و خواردنی دەستیشیان زۆر خۆش و جوانیشە، چێشتلێنان هونەرەو پیشەیەك نیە تایبەت بەژنان، بۆیە ژنان و پیاوانیش باڵا دەستن لەم بوارەدا، ژنانی زۆر هەیە لەبەردەستی شێفی پیاودا فێربووەو من لەو بارەیەوە هیچ جیاوازی نابینم لەنێوانیان".