وشەیەک بنوسە بۆ گەران .

نوسراوێكی دەزگای هەواڵگری بەعس لەسەر نەوشیروان مستەفا بڵاو دەكرێتەوە

دوو دكتۆرا و ئەوروپاو نەمسا بەرەو چیاكانی كوردستان جێدێڵێت وگەڕاوەتەوە عێراق
نەوشێروان مستەفا ئەمین

ژیان: تێكۆشەر حسێن

لەبەشی هەواڵگری (امن و استخبارات)ی عێراقیدا نوسراو كراوە بۆ لێكۆڵینەوە لەسەر نەشێروان مستەفا، كە دوو دكتۆرا و ئەوروپاو نەمسا بەرەو چیاكانی كوردستان جێدێڵێت وگەڕاوەتەوە عێراق.

نوسراوێكی نهێنی دەزگای هەواڵگری عێراق بڵاو بوەتەوە، لەنوسراوەكەدا هاتووە، كە كەسی یەكەم لەدەزگای هەواڵگری عێراق "امن واستخبارات من مخابرات عیراقیە" كە پلەكەی ڕائید ڕوكنە و دەیەوێت زانیاری ورد لەهەر هەر جوڵەیەكی (نەوشێروان مستەفا) كۆبكاتەوە، تەنانەت لەنوسراوە هەواڵگریە نهێنیەكەش ئاماژە بەوەكراوە كە ئەو پیاوە پێش چوار مانگ خوێندنی هەردوو دكتۆراكەی جێهێشتوە هاتۆتەوە نێو خاكی عێراق، لەوێشەوە بەرەو بادینان هاتوە 70 چەكداریشی لەگەڵە ودەستی كردۆتەوە جوڵە.

بەپێ یەكێك لەسەرچاوەكان زانیاریەكی لەم شێوەیەمان دەسكەوتوە:

داواكراو "نەوشێروان مستەفا ئەمین" كەخەڵكی پارێزگای سلێمانیە، كەلەپێشترا ئەندامی لقی چوار بووە لەحیزب پارتە بەكرێگیراوەكە، ئەو لەئەروپا خەریكی خوێندن بووە، بەرلەوەی خوێندنەكە تەواو بكات، پێش چەند مانگێك ئەوروپا بەرەوە عێراق جێدێڵێت ودەگەڕێتەوە عێراق، لەئێستاشدا لەناوچەی بادینان بینراوە، باس لەوەدەكرێت 70 چەكداریشی لەگەڵ بێت.

هەوڵبدەن، بەوردی بەدواداچون بكەن، ئەو هەواڵەمان بۆپشتڕاست بكەنەوە ئەگەر ڕاستە، بەزویش هەواڵمان لێبگێڕنەوە.

بەڕێوەبەری بەشی هەواڵگری عێراقی لەباشور
عمید ركن
قیس عبدالرزاق
77-3-13

وەڵامی نوسراوەكە:
1 - زانیاریەكان ڕاستن، وەك چۆن ئێوە لەنوسراوەكە ئاماژەتان پێیداوە لەسەرەوە، بەڵام چۆتە نێو خاكی توركیاوە، دیارە كەبەرپرسێكی باڵای جەلالیەكانە.
2 - لەوە دڵنیاین كە لەكەرتی بادینانەوە نەهاتۆتە نێو خاكی عێراقەوە، بەڵكو لەوە دەچێت لەلای سنورەكانی هەولێرەوە بووبێت، دواتر بەرەوە سلێمانی گەڕابێتەوە.