هازارد وەرزی داهاتوو لە ریاڵ مەدرید یاری دەكات

PM:10:42:05/12/2018
ژیان:
میدیاكانی ئینگلتەرا باس لەوە دەكەن كە یانەی ریاڵ مەدرید لەگەڵ ئیدین هازاردی ئەستێرەی بەلجیكی و یانەی چێڵسی رێكەوتووە و لە هاوینی داهاتوو دەیگوازێتەوە ریزەكانی خۆی.

دوای ئەوەی لەم وەرزەدا ئاستێكی خراپی نیشانداوە یانەی ریاڵ مەدرید بەردەوام بیری لە كڕینی هێرشبەرێكی گەورە دەكردەوە بۆ ئەوەش چاوی لە هەریەكە لە نەیمار و مباپێ و هازارد بوو بەڵام ریكەوتنی لەگەڵ هەردوو یاریزانەكەی پاریس سانجێمان بۆ ئەنجام نەدرا و لە كۆتایدا لەگەڵ هازارد گەیشتووەتە رێكەوتن.

لە ئێستادا یانە ئینگلیزیەكە داوای 170 ملیۆن یۆرۆ دەكات بۆ دەستبەردار بونی یاریزانەكە و یانەی ریاڵ مەدریدیش ئەو نرخە بەزۆر دەزانێت لەبەر ئەوەی گرێبەسی هازارد لەگەڵ چێڵسی لە 2020 كۆتایی پێدێت. 

هازارد سوورە لەسەر رۆشتن لە كاتیچكدا یانەكەی گرانترین موچەی بۆ ئەو یاریزانە پێشنیار كردووە كە هەفتانەی 300هەزار پاوەندە، بەڵام ئەو یاریزانە ئەو موچەیەشی رەتكردووەتەوە و سورە لەسەر ئەوەی لە یانەكە بڕوات. 

ریاڵ مەدرید بیر لە ئاڵوگۆڕی یاریزانەكانی دەكاتەوە كە هەریەكە لە ماتیۆ كۆڤاچیچی كرواتی كە لە ئێٍ=ستادا لە چێڵسی یاری دەكات بە شێوەی خواستن جگە لەویش بیری لە ماركۆ ئەسینسیۆش باسی لێوە دەكرێت بۆ ئاڵوگۆڕ. 


زۆرترین خوێنراو‌