لە شارێكی كوردستان لە ئاهەنگێكدا 20 كەس بون بە قوربانی

PM:05:59:06/12/2018
ژیان:
لە ئەهەنگێكدا لە شاری كرماشانی رۆژهەڵاتی كوردستان بەهۆی شەڕەوە 16 كەس بریندار بون و 4 كەسیش گیانیان لەدەستدا.


لەكاتی بەرێوە چونی ئاهەنگێكدا 20 كەس برینداربوون كە چواریان بەهۆی سەختی برینەكەیانەوە لە نەخۆشخانە گیانیان لەدەستدا.

شاری كرماشان لە ڕۆژهەڵاتی كوردستان، لە كاتی بەڕێوەچوونی ئاهەنگێكی هاوسەرگیریدا دوای شەڕەقسە لە نێوان چەند ئامادە بویەكی ئاهەنگەكە، كەسێك لەوان ئاهەنگەكە بەجێدەهێڵێت و دوای كەمێك دەگەڕێتەوە و چەكێكی كڵاشنیكوف دەبات و دەستڕێژی گوللـە لە میوانەكان دەكات.

دوای گەیاندنی بریندارەكان بۆ نەخوشخانەی تالقانی شاری كرماشان چوار لەو كەسانە كە ژنێكیشیان لەناودایە، بەهۆی سەختی برینەكانیانە و گیانیان لەدەستدا، سێكەسیتر لە بریندارەكان برینەكانیان سەختە.

فەرماندەی پۆلیسی كرماشان لەسەر هێرشبەرەكە دەڵێت: هێرشبەرەكە كەسێكی پێشینەدارە و پێشتر تاوانی كوشتنی ئەنجامداوە لە زیندان ماوەتەوە و تا ئێستا دەستگیر نەكراوە و لە هەوڵی دەستگیر كردنیدان.

 


زۆرترین خوێنراو‌