توركیا؛ گەنجێك دەزگیرانەكەی بەتاپڕ دەكوژێت

PM:02:21:19/12/2018
ژیان: هێمن هادی
كچێكی تەمەن 26 ساڵ لەلایەن دەزگیرانەكەیەوە دەگوژرێت و میدیاكانی توركیاش ئاماژە بەوە دەكەن، هۆكاری كوشتنی ئەو كچە دەگەرێتەوە بۆئەوەی كە داوای جیابوونەوەی لەدەزگیرانەكەی كردوە.

بەپێی ڕاپۆرتێكی كەناڵی شۆ-ی توركی، لە شاری ئەنتاڵیا (نوری كەراتایڵە) كە ئاماژە بەتەمەنی نەكراوە، دەزگیرانەكەی بەناوی (سینگە یەڵدز)ی تەمەن 26 ساڵ بە تاپڕ دەكوژێت و دەڵێت"یەڵدز داوای جیابوونەوەی لە كەراتایڵە كردوە".

هاوكات ئەوەشیان خستۆتەڕوو، ئەو دوو گەنجە چەند مانگێكە چونەتە ژیانی دەزگیرانییەوە، بەڵام سینگ یڵدز داوای جیابوونەوەی لە نوری كەراتایڵە كردوە، لەكاتێكدا یڵدز ویستیوەتی بچێتە سەركارەكەی و لەوێشەوە دەزگیرانەكەی ببینێت لەیەكێك لەپاركەكانی ئەو شارە، بەڵام لەلایەن نوری یەوە بە تاپڕ دەكوژرێت، هەرچەندە وەك ئەو كەناڵە باسیدەكات، كچەكە داوای لەدەزگیرانەكەی كردوە كە نەیكوژێت.