سەركردایەتیە دەست لەكار كێشاوەكانی بزوتنەوە دەگەڕێنەوە

AM:11:23:11/01/2019
ژیان:
رابەری گشتی بزوتنەوەی ئیسلامی لەگەڵ شەش ئەندامە دەست لەكاركێشاوەكەی حزبەكەیان كۆبونەتەوە و ئەو شەش ئەندامە بەڵێنیانداوە كە هەر بزوتنەوە دەبن و برایەتی ناو حزبەكەش دەپارێزن.

مونیرە عەلی عەبدولعەزیز، خوشكی رابەری گشتی بزوتنەویە ئیسلامی لە هەژماری خۆی لە تۆڕی كۆمەڵایەتی فەیسبووك ئاشكرای دەكات ڕۆژی دوشەممە بەئامادەبونی ڕابەری گشتی لەگەڵ شەش ئەندامەكەی سەركردایەتی حزبەكەیان كۆبونەتەوە. 

ناوبراو لە نوسینەكەیدا ئاماژە بەوەش دەكات "بەڕێز كاك كاك كامیل ی حاجی علی كارگێڕی مەكتەبی سیاسی و من و زانایانی هیئەی باڵای شەرعی و كاك ئەحسەن ئەحەسەن سكرتێری ڕابەری گشتی لە بارەگای مەكتەبی ڕابەری گشتی لە سلێمانی پێشوازیمان كرد لە شەش برا دەست لەكاركێشاوەكە". 

ئەوەشی ئاشكرا كردووە "لە دانیشتنێكی دۆستانە و برایەتیدا بەڵێنیاندا هەر بزوتنەوەن و برایەتی ناو بزوتنەوەی ئیسلامی بپارێزین".
ئەوە لە كاتێكدایە لە مانگی رابردوو شەش ئەندامی سەركردایەتی بزوتنەوەی ئیسلامی دەستیان لەكار كێشایەوە و داوایان كرد بەزوتنرین كات گۆڕانكاری لە حزبەكەدا بكرێت. 


زۆرترین خوێنراو‌