ئەنەكەسە، دەچێتە ژێرباری ستاتیۆی رۆژئاڤا-باكور و رۆژهەڵاتی سوریا.

نیاز حامید



بێشكچی سەربردەیەكی جوانی هەیە...

پێشتر چەندین كۆبوونەوە گڕیدرا بۆ پەلكێشكردنی ئەنەكەسە بۆ ژێرباری شۆڕشی گەل لە رۆژئاڤا ، لێ هەموو جارێ بە پاساوێك خۆی لە ئیتفاق و گەڕانەوە بۆ رۆژئاڤا دەدزییەوە

ئەنەكەسە پێشتر ٣٢ رێكخستن بوون ، دواتر بوون بە ٢٤ ،١٦، ١٢،٨ ،ئێستاش ٣ رێكخستننی بچووكن و لە ئەستانبۆڵ دادەنیشن و فەرمانەكان لە دەزگای جاسوسی میت وئیتلافی شۆڤینی ئەستانبۆڵی سوریی وەردەگرن و بەرەسمی پشتیوانی داگیركردنی عەفرینیشیان كرد.

كەنەكە بە كارێك هەڵساوە كە گوایە دەیەوێت ماڵی كوردان لە رۆژئاڤا باش بكات و ئیتفاقێك لە نێوانیاندا دورست بكات ، بۆیە پرۆژەی ئیتفاقی بۆ هەموو لایەنەكان ناردووە وەك دەستپێشخەرییەك ، لەو لایەنانەش ئەنەكەسە.

ئەنەكەسە دوێنی وپێری لە هەولێر بوونە ، سەرۆكی پارتیان دیوە گوایە دەیانەوێت رەزامەندی ئەویان هەبێت بۆ ئەوەی بگەڕێنەوە ژێر باڵی ستاتیۆی رۆژهەلات و باكوری سوریا یا نا! .

سەرۆكی پارتی ٢٨ ساڵە نەیتوانیوە بە پراكتیك ببێ بە سەرۆكی هەرێمێك ، تەنانەت نەیتوانیوە یەكێتی كوردان لە باشور پێكبهێنیت ، چۆن دەتوانێت ببێ بە فاكتەری یەكێتی كوردان لە رۆژئاڤا؟!..بڕیاری سیاسی پارتی لەلایەن دەوڵەتی توركیاوە كۆنترۆڵ دەكرێت.توركیا دژی یەكێتی كوردانە .

ئەنەكەسە وەك گروپێكە سەر بە دەزگای جاسوسی میت ، بە هیچ پڕیارێك یا فەرمانێكئیلتزام ناكەن جگە لە دام ودەزگاكان شەڕی تایبەتی توركیا نەبێت.

ئەوەی جێگای باسە ، توركیا دەیەوێت ئەو ستاتیۆیە لە بەین ببات ، هەر ئێستا خەلوسی ئاكار وەزیری شەڕی ئەردۆگان دووپاتیكردەوە كە كوردان لە ناو خەندەقەكانیان زیندە بەچاڵ دەكەن ، بۆیە هەلێكی باشە ئەگەر ئەنەكەسە هەر ئێستا وبێ تەردود ئەگەر دەیەوێت نیەتی پاكی خۆی بۆ رای گشتی ئاشكر ابكات ، با ئەم هەڕەشەی گەورە تیرۆریست خەلوسی ئاكار بۆ زیندەبەچاڵكردنی كوردان رەتبكەنەوە وسەركۆنەی بكەن و جاڕی پێچانەوەی باروبارگەكانیان بدەن لە ئەستانبۆڵ و بێنەوە رۆژئاڤا ، بەم هەڵوێستەیان نیەتی پاكی خۆیان دەردەبڕن كە بە جددیی دەیانەوێت لە مورتزەقەیی دابكەلێن و بچنەوە ژێر باڵی ئەو ستاتیۆیە كە بە خوێنی دەیان هەزار لە رۆڵەكانی گەلانی ناوچەكە دورست بووە.. 

من بۆخۆم بەدووری دەزانم هەڵوێستێكی ئاوا بنوێنن ، بەڵكو گەڕاندنەوەی ئەو گروپە مورتزەقە (ئەگەر بگەڕێنەوە)بۆ رۆژئاڤا ، وەك پیلانێكی توركیا دەبینم بۆ نانەوەی شەڕی ناوخۆ یا نانەوەی ئاژاوە و خۆفەرزكردن و دەستكێشكردنی دەوڵەتی توركیا بۆ رۆژئاڤا.

یەكێتی كوردان گرنگە ، بەڵام یەكێتی كوردان لە نێوان هێز ولایەنە سیاسی وجڤاكییەكانی ناو گەل دێتە ئاراوە كە خەم وئامانجی هاوبەشیان هەبێت ، یەكێتی كوردان لەگەڵ مورتزەقە پێكنایەت ..

بێشكچی لە كتیبێكیدا دەلێت: مامۆستایەك لە تەلەبەكانی دەپرسی سیوێك وپرتەقڵێك ومۆزێك دەكاتە چەندە ، بەشی هەرەزۆریان دەڵێن سێ ، یەكێكیان نەبێت دەڵێت دەكاتە یەك سێو ویەك پرتەقاڵ ویەك مۆز..كوردی بێناموس و كوردێكی بە ناموس نابنە دوو كورد ..ئەمە هەڵوێستی منە ، رەنگە كەنەكە لەوەدا لێم زوێر ببێت.


PM:12:39:11/01/2019