لە روونكردنەوەیەك كە نوسینگەی راگەیاندنی وەزیری پێشمەرگە بڵاویكردووەتەوە، رەتیدەكاتەوە شۆڕش ئیسماعیل هیچ لێدوانێكی لەبارەی پرسی هاتنی سوپای توركیا بۆ خاكی هەرێم دابێت و دەڵێت ئەو هەواڵانە "مەبەستدارن".
سكرتێری رۆژنامەوانی وەزیری پێشمەرگە دەشڵێت: بڵاوكردنەوەی هەواڵی لەو شێوەیە پەیوەندی بە وەزیری پێشمەرگەی حكومەتی هەرێمی كوردستان نیە و بەرێزیان بەهیچ جۆرێك لێدوانی لەو جۆرەی بۆ هیچ میدیایەك نەداوە.
ئەوەش لە كاتێكدایە هێرشەكانی سوپای توركیا بۆ سەر خاكی هەرێمی كوردستان لەلایەن عێراق و بەشێكیش لە وڵاتانی عەرەبی و ناوچەكەوە ئیدانە كراوە، بەڵام هەرێمی كوردستان تا ئێستا هیچ لێدوانێكی لەوبارەیەوە نەداوە.