سەرچاوەیەكی تایبەتی عێراقی: هێزی ئەمریكی بەشداری ئۆپراسیۆنەكەی سەر حزبوڵای نەكردووە

  2020-06-28  | 
دۆسیە:  عێراق
 تۆڕی هەواڵی ژیان
سەرچاوەیەكی تایبەتی عێراقی بە سكای نیوزی عەرەبی ڕاگەیاندووە، هێزەكانی ئەمریكا بە هیچ شێوەیەك بەشدارییان نەكردووە لە ئۆپراسیۆنەكەی سەر گروپی حزبوڵای عێراق لە ناوچەی دۆرەی بەغدا لەناو وەرشەیەكی دروستكردنی موشەك و كاتیۆشا .

ئەوسەرچاوەیە ڕەتیشیكردەوە مستەفا كازمی سەرۆك وەزیرانی عێراق داوای لێبوردنی لە گروپی حزبوڵای عێراق كردبێت، چونكە ئۆپراسیۆنەكە لە چوارچێوەی ڕێوشوێنەكانی تایبەت بە كۆنترۆڵكردنی چەكە لە دەستی دەوڵەتدا .

ئەو سەرچاوەیە كە نەیویستووە ناوی خۆی ئاشكرا بكات جەختیكردەوە، ئەو كەسانەی لەو ئۆپراسیۆنەدا دەستگیر كراون، بە هیچ شێوەیەك ئازاد ناكرێن تا دادگا بڕیار لە چارەنووسیان نەدات و لێكۆڵینەوەكان كۆتایی نەیەت كە لە ئێستادا لایەنی پەیوەندار ئەنجامی دەدەن .

دوای ئۆپراسیۆنەكەش گروپی حزبوڵای عێراقی بڕیاریدا سەرۆك وەزیرانی عێراق بكەنە ئامانج و هێزەكانی خۆیان لە شەقامەكانی بەغداد بڵاوكردەوە، بەڵام دوای ماوەیەكی كەم هەموو چەكدارەكانی لە شەقامەكان كشاندەوە و بێدەنگە ی لێكرد .

لە مانگی تشرینی یەكەمی ساڵی رابردووەوە 33 جار لە ڕێگەی موشەكەوە هێرشكراوەتە سەر ناوچەی سەوی بەغدا كە بارەگا فەرمییەكانی حكومەت و ناوەند دیپلۆماتیە بانییەكانی تیا نیشتەجێیە، بەشێوەیەك شەش هێرشیان لە ماوەی دوو هەفتەی ڕابردوودا ئەنجامدا دراوە .

دوێنێش وتەبێژی فەرماندەیی گشتی هێزەچەكدارەكانی عێرا قلە بەیاننامەیەكدا بڵاویكردەوە، بە هیچ شێوەیەك ڕێگە نادرێت ناوچەی سەوزی بەغدا بكرێتە ئامانج و هەیبەتی دەوڵەت بشكێنرێت .