سەرچاوەیەكی ئەمنی عێراق رایگەیاند، شەوی رابردوو مووشەكێكی كاتیۆشا ئاڕاستەی باڵیۆزخانەی ئەمریكا لە بەغدا كراوە، بەڵام بە خۆشحاڵیەوە نەتواندراوە ئامانجەكەی بپێكێت. 
ئەو سەرچاوە ئەمنیە روونیشیكردووەتەوە، موشەكەكە لەرێگەی سیستمی بەرگری مووشەكی پاتریۆتەوە لە ئاسمان تێكشكێنراوە، پاشماوەی مووشەكەكەش لە نزیك پردی هەڵواسراو لە ناوچەی سەوز كەوتووەتە خوارەوە.
ماوەی شەش مانگ زیاترە بەردەوام هەوڵێك هەیە بۆ ئەوەی لە ڕێی مووشەكەوە هێرش بكرێتە سەر باڵوێزخانەی ئەمریكا لە عێراق ، بەڵام ئەو هێرشانە تا ئێٍستا ئەنجامێكی گەورەی لێنەكەوتووەتەوە، تەنها لە ماوەی مانگی رابردوودا زیاتر لە 20 مووشەك ئاراستەی ناوچەی سەوز و باڵیۆزخانەی ئەمەریكا كراون.