ئازاد محەمەد ئەمین سەرۆكی ئەنجومەنی پارێزگای سلێمانی رایگەیاند، ئەو نەوتەی كە حكومەتی عێراق بۆ هەرێمی ناردووە بڕێكی گەیشتووەتە ناو شاری سلێمانی و نزیكەی دوو ملیۆن لیترێك كۆكراوەتەوە و ئامادەیە كە لەناو شار و قەزا و ناحیەكاندا دابەشبكرێت.
ئاماژەی بەشکرد، بەپێی بەدواداچوونەكانی ئێمە لە هەفتەی داهاتوودا دابەشكردنی نەوتی سپی لە سەنتەری شارەكان دەستپێدەكات.
ئەمە لە کاتێکدایە حکومەتى عێراق بڕیاریدا ٦٠ تانکەر نەوت بۆ هەرێمى کوردستان بنێرێت و بێبەرامبەر بدرێت بە هاوڵاتیان