ئه‌مڕۆ دووشه‌ممه‌ وه‌زاره‌تی نه‌وتی عێراق له‌ راگه‌یه‌ندراوێكدا بڵاویكرده‌وه‌ كه‌ "به‌پێی ئاماری كۆتایی كۆمپانیای به‌بازاڕكردنی نه‌وتی عێراق (سۆمۆ)، له‌ مانگی مانگی كانوونی دووه‌می 2023دا بڕی 101 ملیۆن و 245 هه‌زار و 95 به‌رمیل نه‌وتی‌ خاو هه‌نارده‌ی‌ بازاڕه‌كانی‌ جیهان كراوه‌".

وه‌زاره‌تی‌ نه‌وتی‌ عێراق: "كۆی گشتی داهاته‌كه‌شی حه‌وت ملیار و 663 ملیۆن و 788 هه‌زار دینار بووه‌".

ئاماژه‌ی به‌وه‌شدا "كۆی ئه‌و بڕه‌ نه‌وته‌ی مانگی رابردوو له‌ كێڵگه‌ نه‌وتییه‌كانی ناوه‌ڕاست و باشوری عێراقه‌وه‌ هه‌نارده‌ كراوه‌، 98 ملیۆن و 460 هه‌زار و 50 به‌رمیل بووه‌".

ئه‌وه‌شی‌ خسته‌ڕوو "كه‌ له‌ كێڵگه‌ نه‌وتییه‌كانی‌ كه‌ركوكیشه‌وه‌ دوو ملیۆن و 475 هه‌زار و 516 به‌رمیل نه‌وت له‌ رێگه‌ی به‌نده‌ری جه‌یهانه‌وه‌ هه‌نارده‌ كراوه‌".

وه‌زاره‌تی‌ نه‌وتی‌ عێراق دەشڵێت، "تێكڕای نرخی هه‌ر به‌رمیلێك به‌ 75.695 دۆلار بووه‌".