واشنتن: دەستمان بەسەر کەشتییەکی چەک و تەقەمەنی ئێراندا گرتووە

  2020-07-08  | 
بەشێک لەو چەکە ئێرانیانەی کە لەلایەن ئەمریکاوە دەستی بەسەرداگیراوە
ئەرشیڤ
واشنتن
 تۆڕی هەواڵی ژیان
وەزیری دەروەی ئەمریکا رایگەیاند، وڵاتەکەی دەستی بەسەر کەشتییەکدا گرتووە، کە هەڵگری چەک و کەلوپەلی سەربازی ئێران بووە.

مایک پۆمپێیۆ وەزیری دەرەوەی ئەمریکا لە کۆنگرەیەکی رۆژنامەوانیدا ئاشکرایکرد، 28ی مانگی رابردوو هێزە دەریاییەکانیان دەستیان بەسەر کەشتییەکدا گرتووە کە هەڵگری چەک و تەقەمەنی ئێران بووە و بەنیازبووە بچێتە یەمەن.

ئاشکراشیکرد، ئەو کەلوپەلە سەربازیانەی دەستیان بەسەرداگرتووە، پێکهاتوون لە زیاتر لە هەزار و ٧٠٠ چەکی جۆراوجۆر، ٢٠٠ گوللە هاوەن، ٢١ موشەک و چەندین هاوەنی دژە تانک.

وەزیری دەرەوەی ئەمریکا جارێکی تر حکومەتی ئێرانی بە پشتیوانی تیرۆر تۆمەتبارکرد و رایگەیاند، هۆکاری  سەرجەم ئاڵۆزییەکانی ناوچەکە تەنها ئێرانە و بەس.