لە نێو ئاپۆڕای مەراسیمی بەخاكسپاردنی باوكیدا شێخی نوێی تەریقەتی قادری رایگەیاند: جەنابی شێخ موڵكی میللەتەكەمانە، موڵكی هەموو جیهانی ئیسلامی و مرۆڤایەتی بووە و بەرپرسانی سیاسی هەرێم پەیوەندیان پێوە كردم و نیگەرانی خۆیان دەربڕی.
شێخ نەهرۆ شێخ محەمەد كەسنەزانی وتیشی: جەنابی شێخ لەگەڵ ئەوەی شەخسێتێكی دینی و ئیرشادی بووە ناحیەی ئینسانی زۆر بەرزو گەورە بووە لەلای، ئێمە و هەموو خەلیفە و دەروێشانی لەسەر ئەوە ڕاهێناوە.
ئەو لە وتە كورتەكەیدا لە مەراسیمەكە وتیشی: گەڕانەوەی تەرمی شێخ بەخشینێكی ئیلاهیە و خواییە و ڕۆحییە بۆ ئەم خاك وڵاتە، جەنابی شێخ فەرمووی سلێمانی ئەرزی موقەدەسی خۆمانە و وەسێتی كردووە لە سلێمانی بنێژرێت.
ئەو لە وتەكەیدا ئاماژەی بەوە كرد كە بەرپرسانی حكومەت و حزبە باڵا دەستەكان پەیوەندیان پێوە كردووە و نیگەرانی خۆیان پی راگەیاندووە.
ئەو دووپاتی كردەوە، هەر لەسەر ڕێگەی باوكیان دەڕۆن و شێخ محەمەدی بە ڕەمزی حكومەت و گەڵی كورد نابرد، وتیشی: هەریەكە لە نێچیرڤان بارزانی و قوباد تاڵەبانی و مەسورور بارزانی و مەسعود بارزانی پەیوەندیان پێ,ە كردووە و نیگەرانی خۆیان راگەیاندووە بەبۆنەی كۆچی دوایی شێخ محەمەدەوە.