دادگای لێكۆڵینەوەی كەرخی بەغدا رایگەیاند، بە هەماهەنگی لەگەڵ هێزێكی ئەمنیی هەولێر مەترسیدارترین بازرگانی ماددەی هۆشبەریان لە پارێزگای دهۆك دەستگیركرد.
بەڕێوەبەرایەتی گشتی كاروباری ماددە هۆشبەرەكان لە راگەیەندراوێكدا بڵاویكردەوە:" هێزێكی تایبەت بە رووبەڕووبونەوەی ماددە هۆشبەرەكان لە پارێزگای دهۆك، بە هەماهەنگی لەگەڵ بەڕێوەبەرایەتی نەهێشتنی ماددە هۆشبەرەكانی هەولێر و بەڕێوەبەرایەتی گشتی كاروباری ماددە هۆشبەرەكان، توانیویانە بازرگانێكی ماددە هۆشبەریان دەستگیربکەن".
لە راگەیەندراوەكەی دادگای كەرخدا هاتووە، رێككاری یاسایی بەرامبەر تۆمەتبارەكە گیراونەتەبەر و دۆسییەكەی رەوانەی بەردەم دادگای كەرخ كراوە، كە تایبەتە بە ماددەی هۆشبەر.