بۆ تاوتوێکردنی رێکارەکانی بەرەنگاربوونەوەی کۆرۆنا، شانەی قەیرانەکانی کەرکوک کۆبووەوە و دوابەدوای کۆبوونەوەکەش ژمارەیەک بڕیاری نوێی دەرکرد.
گرنگترین بڕیارەکانی شانەی قەیرانەکانی کەرکوک ئەم خاڵانەی خوارەوەیە:
١-بۆ رۆژانی داهاتوو قەدەغەی هاتووچۆ لە پارێزگای کەرکوک لە کاتژمێر ۷ی ئێوارە تاوەکو کاتژمێر ۵ی بەیانی دەبێت .
٢- هاوڵاتی و هێزە ئەمنییەکان و تەواوی چینوتوێژەکان دەبێت رێنماییە خۆپارێزیەکان جێبەجێبکەن و دەستکێش و دەمامک بەکاربهێنن .
٣- دەوامی رۆژانەی فەرمانگەکان لە کاتژمێر ۸ی بەیانی تاوەکو کاتژمێر ۱ی پاشنیوەرۆ دەبێت .
٤- رۆژانی پێنجشەممە و هەینی و شەممە قەدەغەی تەواوەتی هاتووچۆ پەیڕەو دەکرێت و پشووی فەرمی دەبێت .
٥- دەروزەکانی کەرکوک بە داخراوی دەمێننەوە.