وەزارەتی گەشەپێدانی ئابوری روسیا پێشنیاری کردوە وڵاتەکە پێدانی ڤیزا بە هاووڵاتییانی پێنج وڵات رابگیرێت کە چواریان وڵاتانی عەرەبین.
ماکسیم ریشێنتیکۆف وەزیری گەشەپێدانی ئابوری روسیا رایگەیاند، لە ئێستادا گفتوگۆ لە بارەی کشاندنەوەی ڤیزای ئەو وڵاتانە دەکەن کە لەگەڵ روسیا بە هەماهەنگی کار دەکەن، ئەوانیش وڵاتانی رۆژهەڵاتی ناوەڕاست و باشوری رۆژهەڵاتی ئاسیایە.
ئاماژەی بۆ ئەوەکردوە، ئەو وڵاتانە هەریەکە لە کوەیت و عەممان و بەحرەین و سعودیە و مالیزیایە و بەپێی وتەکانی ئەو وەزیرە روسییە لەو ڕێیەوە دەتوانن رێژەی گەشتییار لە وڵاتەکەیان زیاد بکەن.
ئەمە لەکاتێکدایە پێشتر روسیا ئەوەی ڕاگەیاندبوو لەگەڵ هەردوو وڵاتی ئێران و چین ئامادەن لە چوارچێوەی ڕێککەوتنەکانی نێوانیان گروپی گەشتیاری بە بێ ڤیزە گەشت بۆئەو وڵاتە بکەن.