هاوسەرۆكی یەكیتَی رایگەیاند كەرتی تەندروستی گەرمیان هەرشتێكی پێویست بێت و لە هەر شوێنێك هەبێت بەزوترین كات دەیگەیەنینە دەستیان، ئامادەیی خۆشیانی راگەیاند بۆ هەر هاوكاریەك بتوانن بۆ ئیدارەكەی بكەن.
لاهور شێخ جەنگی، هاوسەرۆكی یەكێتی نیشتیمانی كوردستان و شاندێكی یاوەری كە پێكهاتبوون لە هەریەكە میران محەمەد و سۆران شەهید جەمال تاهر و شاڵاو كۆسرەت ڕەسول ئەندامانی مەكتەبی سیاسی و سەركردایەتی حزبەكە، سەردانی ئیدارەی گەرمیانیان كرد و ئامادەییان دەربڕی لە هەر كارێك پێیان بكرێت بۆ خەڵكی ناوچەكە.
پەڕەی فەرمی ئیدارەی گەرمیان لە فەیسبووك، بڵاویكردەوە شاندەكە لەلایەن سەڵاح كوێخا سەرپەرشتیاری ئیدارەی گەرمیان و بەرێوەبەری دەزگاو دامەزراوە حكومییەكانی سنورەكەوە پێشوازییان لێكراوە و هاوسەرۆكی یەكێتی ڕایگەیاند: گەرمیان ناوچەیەكی خۆشەویستە لەدڵی ئیمەدا و هاتووین تاپێماندەكریت خزمەتی بكەین و هەر كەموكورتی و پێداویستیەك لە كەرتی تەندروستی سنوورەكەدا هەبیت پڕیبكەینەوە.
لەو سەردانەدا بۆ ئیدارەكە لاهور شێخ جەنگی وتیشی: ئێمە پشتیوانی سەرخستنی پرۆسەی بەرەنگاربوونەوەی ڤایرۆسی كۆرۆناین لەگەرمیان و دەمانەوێت ھەرچیتان نیە و ھەرچیتان دەوێت بەڕێوەبەرایەتی گشتی تەندروستی گەرمیان پێمان بڵێ تابۆیان بكەین.
ئەو ئاماژەی بەوە كردووە كە ئامانجیان لە سەردانەكەیان ئەوە بووە تا مرۆیی كەرتی تەندروستی بەرنە پێشەوە وئامادەیی دەربڕیوە خواستی پزیشكان و كارمەندانی تەندروستی پڕبكەینەوە، "هەر ئامێر و پێداویستییەكی پزیشكیش پێویست بێت بۆ گەرمیان لەهەركوێ بێت دەیگەیەنینە سنوورەكە."