لیژنەیەكی تایبەت لە پەرلەمانی كوردستانەوە سەردانی گەرمیانی كرد و رایگەیاند، كەموكورتی جدی هەیە لە كەرتی تەندروستی گەرمیاندا و بەڵێنیاندا بەزوترین كات كەموكورتیەكان بگەیەننە شوێنی خۆی.
لقمان وەردی ئەندامی لیژنەكەی پەرلەمانی كوردستان لە كۆنگرەیەكی رۆژنامەوانیدا رایانگەیاند، لەسەر داخوازی سەرۆكی پەرلەمان لیژنەكەیان چووەتە ئیدارەی گەرمیان، بەمەبەستی تۆماركردنی پێداویستی و كەموكورتیەكان وبەڵێنیاندا بە ئەمانەتەوە كێشەكان بگەیەننە شوێنی خۆیان.
ئەو لیژنەیە لە سەردانەكەیدا بۆ ئیدارەی گەرمیان لەگەڵ سەرپەرشتیاری ئیدارەی گەرمیان و تەندروستی گەرمیان و كاری هاوبەشی رێكخراوەكان كۆبویەوە و لە نزیكەوە گوێی لە كەموكورتیەكان گرت.
لیژنەكە رایگەیاند بڕیاریانداوە داخوازی و كەموكورتیەكان بگەیەننە كومەت و هەوڵی چارەسەركردنی بدەن، بەڵێنی ئەوەشیاندا بەردەوام بەدواداچونی جدی دەكەن بۆ ئەوەی كەموكورتیەكان نەهێڵن.